ସୁନ୍ଦରଗଡ : ନଦୀରେ ଗାଧୋଉଥିବା ବେଳେ ୩ ଜଣ ପାଣିରେ ବୁଡି ନିଖୋଜ।। ଫାୟାର ଟିମ୍ ଏବଂ ପୋଲିସର ସର୍ଚ୍ଚ ଅପରେସନ ଜାରି।

ସୁନ୍ଦରଗଡ : ୯/୩ (ସତ୍ୟାନ୍ୟୁଜ) ନଦୀରେ ଗାଧୋଉଥିବା ବେଳେ ପାଣି ରେ ବୁଡି ୩ ଜଣ ଯୁବକ ନିଖୋଜ ହୋଇ ଯାଇଛନ୍ତି। ଘଟଣାସ୍ଥଳରେ ଅଗ୍ନିଶମ ବାହିନୀ ଏବଂ ପୋଲିସ ଟିମ୍ ପହଞ୍ଚି ଖୋଜାଖୋଜି କରୁଛନ୍ତି । ନିଖୋଜ ମାନେ ଗୋଟିଏ ପରିବାରର ବୋଲି ଜଣା ପଡ଼ିଛି। ଘଟଣା ହେଉଛି ସୁନ୍ଦରଗଡ଼ ସଦର ଥାନା ସେମିନା ନିକଟ ଇବ ନଦୀ ରେ। ଶନିବାର ଅପରାହ୍ନରେ ନଦୀରେ ଗାଧୋଉଥିବା ବେଳେ ସୁନ୍ଦରଗଡ ଟାଉନ ଥାନା ରିଜେଣ୍ଟ ମାର୍କେଟ ଅଞ୍ଚଳର ଏହି ୩ ଜଣ ପାଣିରେ ଭାସି ଯାଇଥିବା ସୂଚନା ମିଳିଛି। ଚୋରାବାଲିରେ ଗୋଡ ଖସି ଯାଇଥିବା ସନ୍ଦେହ କରାଯାଉଛି। ନିଖୋଜ ଯୁବକ ମାନେ ୩୫ ବର୍ଷୀୟ ମହମ୍ମଦ ସାହୀଦ , ୨୦ ବର୍ଷୀୟ ମହମ୍ମଦ ରିଜୱାନ୍ ଏବଂ ୧୫ ବର୍ଷୀୟ ମହମ୍ମଦ ଫାରହନ୍ ବୋଲି ଜଣା ପଡ଼ିଛି।