ରାଉରକେଲା : ଅବସରପ୍ରାପ୍ତ ପୋଲିସ ଅଫିସର୍ସ କଲ୍ୟାଣ ଆସୋସିଏସନର ବାର୍ଷିକ ଉତ୍ସବ ପାଳନ।। ସ୍ୱାସ୍ଥ୍ୟ ଶିବିରର ଆୟୋଜନ।

ରାଉରକେଲା : ୧୮/୨ (ସତ୍ୟାନ୍ୟୁଜ) ପୋଲିସ ଚାକିରୀ କାଳରେ ସମାଜର ଅନ୍ୟାୟ ଅତ୍ୟାଚାର ସହ ଲଢ଼ି ଲୋକଙ୍କୁ ସୁରକ୍ଷା ପ୍ରଦାନ କରିବା ସହିତ ଅବସର ପରେ ସମାଜ ପ୍ରତି ସମର୍ପିତ ଭାବନା ବାସ୍ତବିକ ଅଭିନନ୍ଦନର ଯୋଗ୍ୟ ବୋଲି ଅଠର ତାରିଖ ରବିବାର ଦିନ ରାଉରକେଲାର ଅବସରପ୍ରାପ୍ତ ପୋଲିସ ଅଫିସର୍ସ କଲ୍ୟାଣ ଆସୋସିଏସନର ପଞ୍ଚମ ବାର୍ଷିକ ଉତ୍ସବ ଉପଲକ୍ଷେ ହୋଇଥିବା ମେଡିକାଲ କ୍ୟାମ୍ପକୁ ଉଦଘାଟନ କରି ଓଡିଶାର ମାନ୍ୟବର ଶ୍ରମମନ୍ତ୍ରୀ ସାରଦା ପ୍ରସାଦ ନାୟକ ପ୍ରକାଶ କରିଥିଲେ l ପୋଲିସ କଲ୍ୟାଣ ଆସୋସିଏସନ ଓ ହାଇଟେକ ମେଡିକାଲର ମିଳିତ ଉଦ୍ୟମରେ ଛେଣ୍ଡର କଳିଙ୍ଗ ବିହାର ଉମା ଶଙ୍କର ପୀଠରେ ଆୟୋଜିତ ସ୍ୱାସ୍ଥ୍ୟ ଶିବିରକୁ ଉଦଘାଟନ କରିବା ସହ ନିଜ ନିଜର ସ୍ୱାସ୍ଥ୍ୟର ଯତ୍ନ ନେବାପାଇଁ ପରାମର୍ଶ ଦେଇଥିଲେ ସମ୍ମାନିତ ଅତିଥି ହାଇଟେକ ମେଡିକାଲର ମ୍ୟାନେଜିଙ୍ଗ ଟ୍ରଷ୍ଟି ଡ଼କ୍ଟର ସୁରେଶ କୁମାର ପାଣିଗ୍ରାହୀ ଯୋଗ ଦେଇ ବିଭିନ୍ନ ସ୍ଥାନରେ ଏଇଭଳି ସ୍ୱାସ୍ଥ୍ୟ ଶିବିରକୁ ପ୍ରୋତ୍ସାହନ ଦେବା ସହ ତାଙ୍କ ହସ୍ପିଟାଲ ତରଫରୁ ବରିଷ୍ଠ ନାଗରିକ ମାନଙ୍କୁ ମେଡିକାଲ ତରଫରୁ କାର୍ଡ ପ୍ରଦାନ କରି ରିହାତି ଦରରେ ଚିକିତ୍ସା ଯୋଗାଇ ଦେବାର ପ୍ରତିଶୃତି ଦେଇଥିଲେ l ରକ୍ତ ପରୀକ୍ଷା ସହ ବିଭିନ୍ନ ବିଭାଗର ଡାକ୍ତର ମାନେ ଶତାଧିକ ବ୍ୟକ୍ତିଙ୍କୁ ଚିକିତ୍ସା ସହ ଔଷଧ ପ୍ରଦାନ କରିଥିଲେ l ବର୍ଷିଆନ ଅବସରପ୍ରାପ୍ତ ପୋଲିସ ଅଧିକାରୀ ଜନାବ ହାଇଦର ଖାନ, ବିଶ୍ଵମୋହନ ପଟ୍ଟନାୟକ, ଜନାବ ନବାବ ଖାନଙ୍କୁ ଆସୋସିଏସନ ତରଫରୁ ଉତ୍ତରୀୟ ଓ ପୁଷ୍ପଗୁଛ ଦେଇ ସମ୍ମାନିତ କରାଯାଇଥିଲା l ସଭାପତି ବିଶ୍ୱ ମୋହନ ପଟ୍ଟନାୟକଙ୍କ ସଭାପତିତ୍ୱରେ ବାର୍ଷିକ ଉତ୍ସବ ପାଳନ କରାଯାଇଥିଲା ବେଳେ ଉପଦେଷ୍ଟା ଶତ୍ରୁଘ୍ନ ପରିଡା, କଟକ ଆସୋସିଏସନର ସମ୍ପାଦକ ଚୈତନ୍ୟ ବେହେରା ମଂଚାସୀନ ଥିଲେ l ସାଧାରଣ ସମ୍ପାଦକ ଡ଼କ୍ଟର ସୁମନ ଦତ୍ତ ସଭା ସଂଚାଳନ କରିବା ସହ ଆସୋସିଏସନର ଉତ୍ପତି ଓ କରୁଥିବା ସମସ୍ତ ସମାଜ ସେବାର ବିବରଣୀ ପ୍ରଦାନ କରିଥିଲେ l କଟକ ଆସୋସିଏସନର ସମ୍ପାଦକ ଚୈତନ୍ୟ ବେହେରା, ଭୁବନେଶ୍ୱର ସହ ସମ୍ପାଦକ ଧ୍ରୁବ ଚରଣ ପୁହାଣ, ସମ୍ବଲପୁରର ଉପ ସଭାପତି ବିନୋଦ ବିହାରି ପଟେଲ ଆଦି ଯୋଗ ଦେଇ ସେମାନଙ୍କ କାର୍ଯ୍ୟକ୍ରମ ବିଷୟରେ ଆଲୋକପାତ କରିଥିଲେ l ବିଶିଷ୍ଟ ଯୋଗାଚାର୍ଯ୍ୟ ଆରତୀ କର ଓ ଯୋଗ ଗୁରୁ ଗଙ୍ଗାଧର ଦାସ ବିଭିନ୍ନ ଯୋଗ ମାଧ୍ୟମରେ ନିଜର ଶରୀରକୁ ସୁସ୍ଥ ରଖିବାର ଫର୍ମୁଲା, ବିଶିଷ୍ଟ ଶିକ୍ଷାବିତ ଡ଼କ୍ଟର ଶଙ୍କର ପ୍ରସାଦ ତ୍ରିପାଠୀ ଅର୍ଥନୀତି ଉପରେ, ଡ଼କ୍ଟର ବିଶ୍ୱଜିତ ମହାପାତ୍ର ନିଜକୁ ନିରୋଗ ଓ ସୁସ୍ଥ ରଖିବାର ସୂତ୍ର, ବିଶିଷ୍ଟ ସାହିତ୍ୟିକ ରାଜୀବ ପାଣି ସମାଜର ପୋଲିସ ପ୍ରତି ଥିବା ଧାରଣାର ବହୁତ ପରିବର୍ତନ ହୋଇଥିବା ବିଷୟରେ ଆଲୋଚନା କରିଥିଲେ l ସମାଜର ବିଭିନ୍ନ ବିଷୟରେ ଉତ୍କର୍ଷତା ଲାଭ କରିଥିବା. ଯଥା ଖେଳ ସମ୍ମାନ- ବେର୍ଣ୍ଣlଡ଼ ଟପ୍ପୋ, ବିଜୟ ଲାକ୍ରା, ସରିତା କେରକେଟା, ଆଞ୍ଜେଲା ବେକ, ଜ୍ଞାନ ରଞ୍ଜନ ପ୍ରହରାଜ, ସେବା ସମ୍ମାନ- ଚନ୍ଦ୍ରଦୀପ ସାହୁ, ବିଶ୍ୱଜିତ ରାଉତ, ସାହିତ୍ୟ ସମ୍ମାନ – ବିଶିଷ୍ଟ କବି ରାଜୀବ ପାଣିଙ୍କୁ ପ୍ରଦାନ କରାଯାଇଥିଲା l ଶେଷରେ ଉପସଭାପତି ଯଦୁମଣି ପ୍ରଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l ଏହି ଉତ୍ସବରେ ଆସୋସିଏସନର ରଂଜିତ କୁମାର ଭୋଇ, ବାବାଜୀ ବେହେରା, ଶ୍ରୀନିବାସ ଦାସ, କୀର୍ତନ ଚରଣ ସାମଲ, ପିତାମ୍ବର ପଣ୍ଡା, ସନ୍ୟାସୀ ମହାପାତ୍ର, ଅଭୟ ଦାସ, ପଞ୍ଚାନନ ବିଶ୍ୱାଳ,ବ୍ରହ୍ମାନନ୍ଦ ମହାନ୍ତି, ଭଗବାନ ରାଉତ,କୁନା ମାଝୀ ଆଦି ସହଯୋଗ କରିଥିବା ବେଳେ ଅନ୍ୟ ସଭ୍ୟ ମାନେ ଉପସ୍ଥିତ ଥିଲେ