ରାଉରକେଲା : ନିହାର ରଞ୍ଜନ ହତ୍ୟା ମାମଲାର ଦୁଇ ଅଭିଯୁକ୍ତ କୋର୍ଟ ଚାଲାଣ।। ହତ୍ୟାରେ ବ୍ୟବହୃତ ମାରଣାସ୍ତ୍ର ଜବତ।

ରାଉରକେଲା : ୧୮/୨ (ସତ୍ୟାନ୍ୟୁଜ) ରାଉରକେଲାରେ ବହୁ ଚର୍ଚ୍ଚିତ ନିହାର ରଞ୍ଜନ ଓରଫ ଟୁଟୁ ଆଚାର୍ଯ୍ୟ ହତ୍ୟା ଘଟଣାରେ ପୋଲିସ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ଦ୍ୱୟ ହେଲେ କେବଲ ସିଂ ଏବଂ ଅଶୋକ ପ୍ରସାଦ। ସେମାନଙ୍କ ଠାରୁ ହତ୍ୟାରେ ବ୍ୟବହୃତ ଛୁରୀ ଜବତ କରାଯାଇଛି। ୨୦ ନମ୍ବର ସେକ୍ଟର
ହିଲଟପ୍ ମାର୍କେଟରେ ଶୁକ୍ରବାର ସନ୍ଧ୍ୟାରେ ଏହି ହତ୍ୟାକାଣ୍ଡ ଘଟିଥିଲା। କୌଣସି କାରଣରୁ ମୃତକ ନିହାର ଏବଂ ଅଭିଯୁକ୍ତ ଦ୍ୱୟଙ୍କ ମଧ୍ୟରେ ବଚସା ହୋଇଥିଲା। ଏଥିରେ ଉତକ୍ଷିପ୍ତ ହୋଇ କେବଲ ସିଂ ନିହାରଙ୍କୁ ଛୁରୀ ମାରି ହତ୍ୟା କରିଥିଲା। ହତ୍ୟା ସମୟରେ ଅଶୋକ ପ୍ରସାଦ ସାଙ୍ଗରେ ଥିବା ପୋଲିସ କହିଛି। ମୃତକ ନିହାର ରଞ୍ଜନ ପୁରୁଣା ଗାଡି କିଣା ବିକା ବ୍ୟବସାୟରେ ଥିବାବେଳେ ଅଭିଯୁକ୍ତଙ୍କ ପରିଚିତ ଥିବା ଜଣାପଡିଛି।