ବଣାଇ : ଶ୍ରମିକ ଛଟେଇ ଏବଂ ସ୍ଥାନୀୟ ଲୋକଙ୍କୁ ନିଯୁକ୍ତି ଦାବିରେ ଭାସ୍କର କାରଖାନା ସମ୍ମୁଖରେ ବିକ୍ଷୋଭ।। ସେଫ୍ଟି ବ୍ୟବସ୍ଥା ଢ଼ିଲା ଥିବା ଅଭିଯୋଗ।

ବଣାଇ : ୧୯/୨ (ସତ୍ୟାନ୍ୟୁଜ) ବେଆଇନ ଛଟେଇ ଅଭିଯୋଗ କରି ଏବଂ କାରଖାନାରେ ସ୍ଥାନୀୟ ଲୋକଙ୍କୁ ନିଯୁକ୍ତି ଦାବିରେ ସୋମବାର ଦିନ ଭାସ୍କର ଷ୍ଟିଲ ପ୍ଲାଣ୍ଟ ସମ୍ମୁଖରେ ଶ୍ରମିକ ମାନେ ବିକ୍ଷୋଭ ପ୍ରଦର୍ଶନ କରିଛନ୍ତି।
ସୁନ୍ଦରଗଡ଼ ଜିଲ୍ଲା ଲହୁଣୀପଡା ଥାନା ଅନ୍ତର୍ଗତ ତୁମକେଲା ନିକଟରେ ଥିବା କାରଖାନା ସମ୍ମୁଖରେ ଚାଲିଛି ଏହି ବିକ୍ଷୋଭ। ନିଯୁକ୍ତି ଦାବି ବ୍ୟତୀତ କାର୍ଯ୍ୟରତ ଶ୍ରମିକଙ୍କୁ ସେଫଟି ସେଫ୍ଟି ସୁରକ୍ଷା ମିଳୁ ନଥିବା ମଧ୍ୟ ଅଭିଯୋଗ ହୋଇଛି। ୧୫ ବର୍ଷରୁ ଅଧିକ କାଳ କାରଖାନାରେ କାମ କରିଥିଲେ ମଧ୍ୟ ବିନା ନୋଟିସ ବାହାର କରି ଦିଆଯାଉଥିବା ଶ୍ରମିକ ମାନେ କହିଛନ୍ତି । ନିଲମ୍ବିତ ଶ୍ରମିକ ମାନଙ୍କୁ ଏବଂ ସ୍ଥାନୀୟ ଲୋକଙ୍କୁ କାରଖାନାରେ ନିଯୁକ୍ତି ଦାବିରେ ଆଜି ଏହି ବିକ୍ଷୋଭ ପ୍ରଦର୍ଶନ କରାଯାଇଛି। ଅଭିଯୋଗ ବାବଦରେ କାରଖାନା କର୍ତ୍ତୃପକ୍ଷଙ୍କ ଠାରୁ କୌଣସି ପ୍ରତିକ୍ରିୟା ମିଳି ପାରିନାହିଁ।