ରାଉରକେଲା : ଡ଼କ୍ତର ଆମ୍ବେଦକର ଆଇଟିଆଇ ଛାତ୍ରଙ୍କ ଛାତରୁ ପଡି ମୃତ୍ୟୁ ଘଟଣା।। ସଠିକ ଯାଞ୍ଚ ଦାବି କଲେ ମୃତକଙ୍କ ମାମୁଁ।

ରାଉରକେଲା : ୧୮/୨ (ସତ୍ୟାନ୍ୟୁଜ) ରାଉରକେଲା ଝିରପାଣି ଥାନା ଅନ୍ତର୍ଗତ ଜଗଦା ସ୍ଥିତ ଏକ ଘରୋଇ ଆଇଟିଆଇ ଛାତରୁ ପଡ଼ି ଜଣେ ଛାତ୍ରଙ୍କ ମୃତ୍ୟୁ ଘଟଣା ଏବେବି ସନ୍ଦେହ ଘେରରେ ରହିଛି। ପରିବାର ପକ୍ଷରୁ ସଠିକ ଯାଞ୍ଚ ପାଇଁ ନିବେଦନ କରା ଯାଇଥିବା ବେଳେ ପୋଲିସ ତଦନ୍ତ ଜାରି ରଖିଛି। ମୃତକ ହେଲେ ସୁନ୍ଦରଗଡ ଜିଲ୍ଲା ହାତିବାରୀ ଥାନା ଅନ୍ତର୍ଗତ ବାଁଶଜୋର ଗ୍ରାମର ୧୯ ବର୍ଷୀୟ ଯୁବକ ଅତୁଲନ ଜୋଜୋ l
ସେ ଜଗଦା ସ୍ଥିତ ଡକ୍ଟର ଆମ୍ବେଦକର ମେମୋରିଆଲ ଆଇଟିଆଇ ଶିକ୍ଷାନୁଷ୍ଠାନରେ ପ୍ରଥମ ବର୍ଷର ଛାତ୍ର ଥିଲେ l ଅନ୍ୟ ଛାତ୍ରଙ୍କ କହିବାନୁଯାୟୀ ଅତୁଲନ ଆଇଟିଆଇ ଉପରେ ଥିବା ହଷ୍ଟେଲରେ ରହୁଥିଲେ l ଗତକାଲି ସନ୍ଧ୍ୟାରୁ ତାଙ୍କୁ ହଷ୍ଟେଲରେ ଦେଖିବାକୁ ମିଳିନଥିଲା l ରାତିରେ ଖାଇବାକୁ ଅନ୍ୟ ଛାତ୍ରମାନେ ଖୋଜା ଖୋଜି କରିଥିଲେ l କିନ୍ତୁ ପାଇଁ ନଥିଲେ। ବିଳମ୍ବିତ ରାତିରେ ତାଙ୍କୁ ହଷ୍ଟେଲକୁ ଲାଗିଥିବା ପଡୋଶୀଙ୍କ ଛାତରେ ପଡିଥିବା ଦେଖିବାକୁ ପାଇଥିଲେ l ଛାତ୍ର ମାନେ ଏ ସଂକ୍ରାନ୍ତରେ ହଷ୍ଟେଲ କର୍ତ୍ତୃପକ୍ଷ ଏବଂ ଝିରପାଣି ଥାନା ପୋଲିସକୁ ଖବର ଦେଇଥିଲେ l ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିଛି। ଘଟଣାସ୍ଥଳରୁ ମୃତ ଛାତ୍ରଙ୍କ ମୋବାଇଲ ଏବଂ ଇଅର୍ ଫୋନ ଜବତ କରା ଯାଇଛି। ସମ୍ଭବତଃ ମୋବାଇଲରେ କଥା ହେଉଥିଲା ବେଳେ ଛାତ୍ର ଜଣକ ତଳକୁ ଖସି ପଡ଼ିଥିବା ଅନୁମାନ କରାଯାଉଛି l ତେବେ ଏହି ଘଟଣାରେ ମୃତକଙ୍କ ମାମୁଁ ସନ୍ଦେହ ପ୍ରକାଶ କରି ସଠିକ ଯାଞ୍ଚ ଦାବି କରିଛନ୍ତି।