ରାଉରକେଲା : ସାତ ତାରିଖରେ ରାଉରକେଲାରେ ରାହୁଲ ଗାନ୍ଧୀଙ୍କ ଭାରତ ଜୋଡୋ ନ୍ୟାୟ ଯାତ୍ରା।। କଂଗ୍ରେସ ପକ୍ଷରୁ ବ୍ୟାପକ ପ୍ରସ୍ତୁତି।

ରାଉରକେଲା : ୩/୨(ସତ୍ୟାନ୍ୟୁଜ) କଂଗ୍ରେସର ବରିଷ୍ଠ ନେତା ରାହୁଲ ଗାନ୍ଧୀଙ୍କ ଭାରତ ଜୋଡୋ ନ୍ୟାୟ ଯାତ୍ରା ୬ ତାରିଖ ଦିନ ସୁନ୍ଦରଗଡରେ ପ୍ରବେଶ କରିବ। ରାଉରକେଲାରେ ୭ ତାରିଖ ସକାଳେ ଏକ ବିଶାଳ ଶୋଭାଯାତ୍ରା ବାହାରିବ ବୋଲି କଂଗ୍ରେସ ସୂତ୍ରରୁ ଜଣା ପଡ଼ିଛି। ୬ ତାରିଖ ସନ୍ଧ୍ୟାରେ ଝାରଖଣ୍ଡରୁ ଆସି ବିରମିତ୍ରପୁରରେ ପହଞ୍ଚିବା ପରେ ଦଳ ପକ୍ଷରୁ ତାଙ୍କୁ ସ୍ବାଗତ କରାଯିବ। ରାତିରେ ଶ୍ରୀ ଗାନ୍ଧୀ ବିରାମିତ୍ରପୁରରେ ରହିବେ। ଏଥିପାଇଁ କଂଗ୍ରେସ ପକ୍ଷରୁ ବ୍ୟାପକ ପ୍ରସ୍ତୁତି ଚାଲିଛି। ଆଜି ପ୍ରଦେଶ କଂଗ୍ରେସ କମିଟି ସଭାପତି ଶରତ ପଟ୍ଟନାୟକ , ଏଆଇସିସି ସାଧାରଣ ସମ୍ପାଦକ , କଂଗ୍ରେସର ବରିଷ୍ଠ ନେତା ମାନେ ବିରମିତ୍ରପୁରରେ ପହଞ୍ଚି ଭାରତ ଜୋଡୋ ନ୍ୟାୟ ଯାତ୍ରାର ସମସ୍ତ ପ୍ରସ୍ତୁତି ତଦାରଖ କରିଥିଲେ। ଅଖଣ୍ଡ ଏବଂ ଧର୍ମ ନିରପେକ୍ଷ ଭାରତ ଲାଗି ଲୋକ ମାନେ ଏହି ଯାତ୍ରାରେ ଯୋଡି ହେବାକୁ କଂଗ୍ରେସ ପକ୍ଷରୁ ନିବେଦନ କରାଯାଇଛି।