ରାଉରକେଲା : ସ୍ୱାଧୀନତା ଦିବସ ପୂର୍ବରୁ ରେଳ ଷ୍ଟେସନ୍ ରେ ମକ୍ ଡ୍ରିଲ୍।। ବୋମା ନିଷ୍କ୍ରିୟକାରୀ ଟିମ୍ ସହ ଆରପିଏଫ୍ , ଜିଆରପି ଡ୍ରିଲ୍ ରେ ସାମିଲ।
ସ୍ୱାଧୀନତା ଦିବସ ପୂର୍ବରୁ ରାଉରକେଲା ରେଳ ଷ୍ଟେସନରେ ମକ୍ ଡ୍ରିଲ୍ ।
ରାଉରକେଲା, ଅଗଷ୍ଟ ୧୪:
(ସତ୍ୟାନ୍ୟୁଜ) ସ୍ୱାଧୀନତା ଦିବସ ପୂର୍ବରୁ ରାଉରକେଲା ରେଳ ଷ୍ଟେସନରେ ସୁରକ୍ଷା ବ୍ୟବସ୍ଥା ଓ ଜରୁରୀକାଳୀନ ପ୍ରସ୍ତୁତି ପରୀକ୍ଷା ପାଇଁ ମକ୍ ଡ୍ରିଲ୍ ଅନୁଷ୍ଠିତ ହୋଇଛି।
ଆଜି ସକାଳେ ଚାଲିଥିବା ଏହି ଅଭ୍ୟାସରେ ବୋମା ଥିବା ନେଇ ଏକ ହୋକ୍ସ ଫୋନ୍ କଲ୍କୁ ଆଧାର କରି ସୁରକ୍ଷା ଆକ୍ସନ ଅଭ୍ୟାସ କରାଯାଇଥିଲା।
ଏହି ମକ୍ ଡ୍ରିଲ୍ରେ RPF, GRP ଏବଂ ରାଜ୍ୟ BDDS ଟିମ୍ ମିଳିତ ଭାବେ ସାମିଲ ହୋଇଥିଲେ।
ସନ୍ଦିଗ୍ଧ ସ୍ଥାନକୁ ତୁରନ୍ତ ସୁରକ୍ଷିତ କରାଯାଇ ନିକଟରେ ଥିବା ଯାତ୍ରୀମାନଙ୍କୁ ଖାଲି କରାଯାଇଥିଲା। ଭିତର କର୍ଡନ୍ରେ Q-Manager ନିୟୋଜିତ ହୋଇଥିବା ବେଳେ ରସି ଓ ପ୍ଲାଷ୍ଟିକ୍ କସନ୍ ଟେପ୍ରେ ବାହ୍ୟ କର୍ଡନ୍ ସୃଷ୍ଟି କରାଯାଇଥିଲା।
ଯାତ୍ରୀମାନଙ୍କ ଗତିବିଧି ନିୟନ୍ତ୍ରଣ ଓ ସୁରକ୍ଷା ପାଇଁ RPF ଓ GRP ଯବାନମାନେ ବିଭିନ୍ନ ସ୍ଥାନରେ ମୁତୟନ ହୋଇଥିଲେ। ଲାଉଡ୍ ସ୍ପିକର୍ ମାଧ୍ୟମରେ ନିୟମିତ ଘୋଷଣା କରି ଯାତ୍ରୀମାନଙ୍କୁ ସଚେତନ କରାଯାଇଥିଲା।
ପରେ ରାଜ୍ୟ ବୋମା ନିଷ୍କ୍ରିୟ
କାରୀ ଟିମ୍କୁ ଡକାଯାଇ ସନ୍ଦିଗ୍ଧ ବସ୍ତୁର ଯାଞ୍ଚ କରାଯାଇଥିଲା। ନିର୍ଦ୍ଧାରିତ SOP ଅନୁସାରେ ତଲାସୀ ଓ ଯାଞ୍ଚ ପରେ ସନ୍ଦିଗ୍ଧ ବସ୍ତୁକୁ ସୁରକ୍ଷିତ ଭାବେ ବମ୍ ବାସ୍କେଟ୍ରେ ରଖାଯାଇଥିଲା।
ଏହି ମକ୍ ଡ୍ରିଲ୍ର ମୁଖ୍ୟ ଉଦ୍ଦେଶ୍ୟ ଥିଲା—ବିଭିନ୍ନ ସୁରକ୍ଷା ଏଜେନ୍ସି ମଧ୍ୟରେ ସମନ୍ୱୟ ବୃଦ୍ଧି, ଜରୁରୀକାଳୀନ ସୁରକ୍ଷା ବ୍ୟବସ୍ଥାର ପ୍ରଭାବିତ ପରୀକ୍ଷା ଏବଂ ସ୍ୱାଧୀନତା ଦିବସ ସମୟରେ ଯେକୌଣସି ସମ୍ଭାବ୍ୟ ସୁରକ୍ଷା ଚ୍ୟାଲେଞ୍ଜ୍ର ମୁକାବିଲା ପାଇଁ ସୁରକ୍ଷାକର୍ମୀଙ୍କୁ ପ୍ରସ୍ତୁତ ରଖିବା।
ମକ୍ ଡ୍ରିଲ୍ରେ Assistant Security Commissioner/RPF, Inspector/RPF, Inspector/GRP ଏବଂ Inspector/BDDS, Rourkelaଙ୍କ ସମେତ ବହୁ ସୁରକ୍ଷାକର୍ମୀ ଉପସ୍ଥିତ ଥିଲେ।
ସ୍ୱାଧୀନତା ଦିବସ ପୂର୍ବରୁ ରାଉରକେଲା ରେଳ ଷ୍ଟେସନର ସୁରକ୍ଷା ବ୍ୟବସ୍ଥାକୁ ଆହୁରି ସୁଦୃଢ଼ କରିବା ଦିଗରେ ଏହି ମକ୍ ଡ୍ରିଲ୍ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।