ସୁନ୍ଦରଗଡ଼ ଜିଲ୍ଲାରେ ଶୀତ ର ପ୍ରଭାବ ଅନୁଭୂତ।। ବଣେଇ ଉପାଖଣ୍ଡରେ ଧୀରେ ଧୀରେ ତାପମାତ୍ରା କମୁଛି ।

ରାଜ୍ୟର ବିଭିନ୍ନ ସ୍ଥାନରେ ଶୀତ ଅନୁଭୂତ ହେଲାଣି । ଗତ ୨୪ ଘଣ୍ଟା ମଧ୍ୟରେ ଦାରିଙ୍ଗବାଡିରେ ୧୦ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ ହୋଇଥିବା ବେଳେ ୮ ଟି ସ୍ଥାନରେ ୧୫ ଡିଗ୍ରୀ ସେଲସିୟସ ମଧ୍ୟରେ ତାପମାତ୍ରା ରହିଛି । ଫୁଲବାଣୀ , କୋରାପୁଟ ଏରିଆ ରେ ତାପମାତ୍ରା ୧୨ ଡିଗ୍ରୀ ତଳେ ରହୁଛି ।

ଆଜି ସୁନ୍ଦରଗଡ଼ ଜିଲ୍ଲାରେ ଶୀତ ର ପ୍ରଥମ ଅନୁଭୂତି କୁ ଲୋକମାନେ ବେଶ ଉପଭୋଗ କରୁଛନ୍ତି । ବଣ , ପାହାଡ଼ , ଖଣି , ଖାଦାନ ଘେରା ବଣେଇ ଉପାଖଣ୍ଡର ଶୀତର ପ୍ରଭାବ ଆଜି ଦେଖିବାକୁ ମିଳିଛି । ଶୀତୁଆ ସକାଳର ସୂର୍ଯ୍ୟୋଦୟ ଦେଖିବା ସହ ହାଲକା ଶୀତ ର ମଜା ଉଠାଇବାକୁ ଲୋକମାନେ ଭୁଲିନାହାନ୍ତି । ଅନ୍ୟ କେତେକ ଲୋକ ପ୍ରାତଭ୍ରମଣ ମାଧ୍ୟମରେ ଶୀତୁଆ ସକାଳକୁ ଉପଭୋଗ କରୁଛନ୍ତି । ବଣେଇ ଉପାଖଣ୍ଡର ଟେନ୍ସ। , କୋଇଡା ଆଦି ଅଞ୍ଚଳରେ ସବୁଠାରୁ ଅଧିକ ଶୀତ ଅନୁଭୂତ ହେବା ସହ ଘନ କୁହୁଡି ମଧ୍ୟ ଦେଖାଯାଉଛି । ବଣେଇ ସହ ଜିଲ୍ଲାର ରାଉରକେଲା , ବିଶ୍ରା , ବିରମିତ୍ରପୁର ଆଦି ଅଞ୍ଚଳରେ ମଧ୍ୟ ଶୀତ ଅନୁଭୂତ ହେଲାଣି ।