ଲହୁଣୀପଡା ଏବଂ କେ ବଳଙ୍ଗ ପୋଲିସ ଦ୍ୱାରା ୬ ଜଣ ଡକାୟତ ଗିରଫ।। ୩ ଟି ପିସ୍ତଲ , ୪ ଟି ବାଇକ , ୧୪ ଟି ମୋବାଇଲ ଫୋନ ଜବତ ।

ବନ୍ଧୁକ ମୁନରେ ଯୋଜନାବଦ୍ଧ ଭାବେ ଡକାୟତି କରୁଥବା ଗ୍ୟାଙ୍ଗ ର ୬ ଜଣ ସଦସ୍ୟ ଙ୍କୁ ସୁନ୍ଦରଗଡ଼ ଜିଲ୍ଲା ଲହୁଣୀପଡ଼ା ପୋଲିସ ଗିରଫ କରିବାରେ ସଫଳ ହୋଇଛି । ଗିରଫ ଡକାୟତଙ୍କ ନିକଟରୁ ୩ ଟି ପିସ୍ତଲ , ୧୪ ଟି ମୋବାଇଲ ଫୋନ , ୪ ଟି ବାଇକ , ଛୁରୀ , ନଗଦ ୧୪ ହଜାର ଟଙ୍କା ଜବତ କରାଯାଇଛି । ଲହୁଣୀ ପଡା ଥାନା ଅଞ୍ଚଳ ରେ ଏକ ମାସ ମଧ୍ୟରେ ବିଭିନ୍ନ ଥାନା ଅଞ୍ଚଳ ରେ ବନ୍ଧୁକ ମୁନରେ ଏହି ଡକାୟତ ମାନେ ଲକ୍ଷ ଲକ୍ଷ ଟଙ୍କା ଲୁଟିନେଇଥିଲେ ।

ଡକାୟତ ମାନେ ବିଶେଷ କରି ଗ୍ରାହକ ଜନ ସେବା କେନ୍ଦ୍ରକୁ ଟାର୍ଗେଟ କରିଥିଲେ । ଗତ ମାସ ୧୪ ତାରିଖରେ ସୁରୁପତଳl ଜନସେବା କେନ୍ଦ୍ର ର ମାଲିକ ରୂପଧର କିଶlନ ଙ୍କ ଠାରୁ ବନ୍ଧୁକ ଦେଖାଇ ୨୫ହଜାର ଟଙ୍କା ୩ଟି ମୋବାଇଲ୍ ଫୋନ ଲୁଟ କରିଥିବା ବେଳେ ସେହି ମାସ ୨୦ତାରିଖରେ କେ ବଳଙ୍ଗ ଥାନା ର ଜlମୁଢି ଛକରେ ଥିବା ଜନସେବା କେନ୍ଦ୍ର ର ମାଲିକ କୁଶ ମୁଣ୍ଡା ଙ୍କ ଠାରୁ ୧ଲକ୍ଷ ୬୦ ହଜାର ଟଙ୍କା ୪ଟି ମୋବାଇଲ୍ ଲୁଟ କରି ଫେରାର ହୋଇଯାଇଥିଲେ । ସେହିପରି ୩୦ ତାରିଖ ଦିନ ସମରଦରି ବେଦେଶୀ ମଦ ଦୋକାନ ରୁ ୨୦ ହଜାର ଟଙ୍କା ୩ ଟି ମୋବାଇଲ୍ ଲୁଟ୍ କରି ଏହି ଗ୍ୟାଙ୍ଗ ଫେରାର ହୋଇଯାଇଥିଲେ । ଲହୁଣୀ ପଡ଼ା ଏବଂ କେ ବଳଙ୍ଗ ଥାନା ପକ୍ଷରୁ ଦୁଇଟି ଟିମ ଗଠନ କରାଯାଇ ବିଭିନ୍ନ ସ୍ଥାନରୁ ଡକାୟତି ଅପରାଧରେ ସାମିଲ ଥିବା ୬ ଜଣଙ୍କୁ ଗିରଫ କରାଯାଇଥିଲା । ଗୁରୁଣ୍ଡିଆ , ବିରମିତ୍ରପୁର , ରାଜଗାଙ୍ଗପୁର ଏରିଆ ର ଏହି ଡକାୟତ ମାନେ ପୂର୍ବରୁ ବହୁ ଅପରାଧରେ ଜଡିତ ଥିବା କହିଛନ୍ତି ବଣେଇ ଏସ ଡି ପି ଓ ସୌରଭ କୁମାର ଓତା ।