ସ୍କୁଟି ରେ ଯାଉଥିବା ବେଳେ ଛାତ୍ରୀଙ୍କ ନିକଟରୁ ଝାମ୍ପିନେଲେ ଭ୍ୟାନିଟି ବ୍ୟାଗ।। । ରାସ୍ତାରେ ପଡି ଛାତ୍ରୀ ଆହତ , ପୋଲିସ ତଦନ୍ତ ଜାରି ।।

ବାଇକ ରେ ଆସି ସ୍କୁଟି ରେ ଯାଉଥିବା ମହିଳାଙ୍କ ଭ୍ୟାନିଟି ବ୍ୟାଗ ଟାଣିନେଇ ପଳାଇବା ଘଟଣା ରାଉରକେଲା ରେ ବ୍ରେକ ଲାଗିବା ନାଁ ନେଉନାହିଁ । ରବିବାର ସନ୍ଧ୍ୟାରେ ଜଣେ ଛାତ୍ରୀ ସ୍କୁଟି ରେ ସେକ୍ଟର ପଟୁ ପ୍ଲାଣ୍ଟସାଇଟ ରୋଡ଼ ନିଜ ଘରକୁ ଫେରୁଥିବା ବେଳେ ଦୃବୃତ୍ତ ଙ୍କ ଲୁଟ ର ଶିକାର ହୋଇଛନ୍ତି ।

ଘଟଣା ଘଟିଛି ବିଶ୍ରା ଛକ ନିକଟରେ । ପ୍ଲାଣ୍ଟସାଇଟ ରୋଡ଼ ରେ ରହୁଥିବା ବରିଷ୍ଠ ଓକିଲ ଚଣ୍ଡୀ ପ୍ରସାଦ ଷଡ଼ଙ୍ଗୀ ଙ୍କ ଝିଆରୀ ମୈଥିଳୀ ଷଡ଼ଙ୍ଗୀ ସ୍କୁଟିରେ ୪ ନମ୍ବର ସେକ୍ଟର ରୁ ନିଜ ଘରକୁ ଫେରୁଥିବା ବେଳେ ଦୁଇଜଣ ଦୃବୁତ୍ତ ବାଇକରେ ଆସି ତାଙ୍କ ଭ୍ୟାନିଟି ବ୍ୟାଗ ଟାଣି ନେଇଥିଲେ । ଫଳରେ ମୈଥିଳୀ ରାସ୍ତାରେ ପଡି ଆହତ ହୋଇଯାଇଥିଲେ । ଖବର ପାଇ ପ୍ଲାଣ୍ଟସାଇଟ ପୋଲିସ ଘଟଣା ସ୍ଥଳରେ ପହଞ୍ଚି ସିସି ଟିଭି ଫୁଟେଜ ଯାଞ୍ଚ କରିବା ସହ ତଦନ୍ତ ଚଳାଇଛନ୍ତି । ଏପ୍ରକାର ଦୃବୁତ୍ତ ଙ୍କୁ ଶୀଘ୍ର ଧରିବାକୁ ରାଉରକେଲା ଓକିଲ ସଂଘ ପକ୍ଷରୁ ଦାବି କରା ଯାଇଛି। ସୂଚନାଯୋଗ୍ୟ ଯେ ଏପ୍ରକାର ଛିନ୍ନତାଇ ଘଟଣାରେ ପୂର୍ବରୁ ଦୁଇଜଣ ମହିଳାଙ୍କ ଜୀବନହାନି ଘାଟିଛି ।