ହାଇସ୍କୁଲ ନିର୍ମାଣରେ ନିମ୍ନମାନର କାମ ହେଉଥିବା ଅଭିଯୋଗ କଲେ ଗ୍ରାମବାସୀ।।ପ୍ରତିବାଦରେ ଗ୍ରାମବାସୀ ଗୁରୁଣ୍ଡିଆ ରେ ସ୍କୁଲ କାମ ବନ୍ଦ କଲେ ।

ସ୍କୁଲ ଘର ନିର୍ମାଣରେ ନିମ୍ନ ମାନର କାମ ହେଉଥିବା ଅଭିଯୋଗ କରି ଆଜି ଗ୍ରାମବାସୀ ମାନେ ଚାଲିଥିବା କାମ ବନ୍ଦ କରିଦେଇଛନ୍ତି । ବାରମ୍ବାର ବିଭାଗୀୟ ଯନ୍ତ୍ରୀ ଏବଂ ଅନ୍ୟ ଅଧିକାରୀଙ୍କୁ ଅଭିଯୋଗ କଲେ ମଧ୍ୟ କାମର ଗୁଣାତ୍ମକ ମାନରେ କୌଣସି ଉନ୍ନତି ନହେବାରୁ ବାଧ୍ୟ ହୋଇ ଏପରି ପଦକ୍ଷେପ ନିଆଯାଇଛି ବୋଲି ଗ୍ରାମବାସୀ କହିଛନ୍ତି ।

ଏହି ହାଇସ୍କୁଲ ଘର ନିର୍ମାଣ କାମ ଏବେ ସୁନ୍ଦର ଗଡ଼ ଜିଲ୍ଲା ଗୁରୁଣ୍ଡିଆ ବ୍ଲକ ର ଭାଲୁଡୁଙ୍ଗୁରି ପଞ୍ଚାୟତ ରେ ଚାଲିଛି । ୧ କୋଟି ୨୦ ଲକ୍ଷ ଟଙ୍କା ର ବ୍ୟୟ ଅଟକଳରେ ଜିଲ୍ଲା ଖଣିଜ ଫାଉଣ୍ଡେସନ ପାଣ୍ଠିରେ ଏହି କାମ ହେଉଛି । ଏପରି ନିମ୍ନମାନର କାମ ହେଲେ ଭବିଷ୍ୟତ ରେ ପାଠପଢା ବଳେ ଅଘଟଣ ଘଟିବାର ଆଶଙ୍କା କରିଛନ୍ତି ଗ୍ରାମବାସୀ । କେହି ଏହି ଦିଗ ପ୍ରତି ଧ୍ୟାନ ଦେଉନଥିବାରୁ ବାଧ୍ୟ ହୋଇ ଆଜି କାମ ବନ୍ଦ କରିବା ଭଳି ଚରମ ପଦକ୍ଷେପ ନେଇଛନ୍ତି ଗ୍ରାମବାସୀ । ତେବେ କାମ
ସ୍ପେସିଫିକେସନ ଅନୁସାରେ ହେଉଛି ବୋଲି କହିଛନ୍ତି ବୈଷୟିକ ପରାମର୍ଶ ଦାତା ।