ସ୍ଥାନୀୟ ଟ୍ରାନ୍ସପୋର୍ଟରଙ୍କୁ ଲୋଡିଙ୍ଗ ଦେବା ଦାବିରେ କାରଖାନା ସମ୍ମୁଖରେ ବିକ୍ଷୋଭ ।।ଟ୍ରକ , ଡ଼ମ୍ପର ମାଲିକ ସଂଘର କର୍ମକର୍ତ୍ତା ବ୍ରହ୍ମଣୀତରଙ୍ଗ ଥାନାରେ ଅଟକ ।

ରାଉରକେଲା କଲୁଙ୍ଗା ଆଇ ଡି ସି ସ୍ଥିତ ଏକ ଘରୋଇ କମ୍ପାନୀ ସ୍ଥାନୀୟ ଟ୍ରକ , ଡ଼ମ୍ପର ମାଲିକ ସଙ୍ଘ ର ଗାଡି ଗୁଡିକୁ ଲୋଡିଙ୍ଗ ଦେବାରେ ଅଣଦେଖା କରୁଥିବା ଅଭିଯୋଗ ହୋଇଛି । ପ୍ରତିବାଦ ରେ ଶନିବାର ଦିନ ଉକ୍ତ ସଂସ୍ଥା ମହାବୀର ଫେର ଆଲୟଜ୍ ସମ୍ମୁଖରେ ସ୍ଥାନୀୟ ଟ୍ରକ , ଡ଼ମ୍ପର ମାଲିକ ସଙ୍ଘ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଉଥିବା ବେଳେ ଉତ୍ତେଜନା ପ୍ରକାଶ ପାଇଥିଲା

। ସ୍ଥାନୀୟ ଟ୍ରାନ୍ସପୋର୍ଟର ଙ୍କୁ ଅଣଦେଖା କରି ବାହାର ଗାଡିକୁ ଏହି କମ୍ପାନୀ ଲୋଡିଙ୍ଗ ଦେଉଥିବାରୁ ବହୁ ଦିନରୁ ସ୍ଥାନୀୟ ଗାଡି ମାଲିକ ଙ୍କ ମଧ୍ୟ ରେ ଅସନ୍ତୋଷ ଲାଗି ରହିଥିଲା । ଆଜି ବିକ୍ଷୋଭ ବେଳେ ଉତ୍ତେଜନା ହେବାରୁ ପୋଲିସ ସେଠାରେ ପହଞ୍ଚି ବୁଝାସୁଝା କରିଥିଲେ । ପରେ ସ୍ଥାନୀୟ ଟ୍ରକ ଏବଂ ଡ଼ମ୍ପର ମାଲିକ ସଂଘର କର୍ମକର୍ତ୍ତା ଙ୍କୁ ପୋଲିସ ବ୍ରାହ୍ମଣୀ ତରଙ୍ଗ ଥାନାରେ ଆଣି ଅଟକ ରଖିଥିଲେ । ତେବେ ସ୍ଥାନୀୟ ଘରୋଇ ପରିବହନ ସଂସ୍ଥାଙ୍କୁ ଲୋଡିଙ୍ଗ ନଦେଲେ ଆନ୍ଦୋଳନ ତୀବ୍ର ହେବ ବୋଲି ଟ୍ରକ , ଡ଼ମ୍ପର ମାଲିକ ସଂଘ ପକ୍ଷରୁ କୁହାଯାଇଛି ।