ରାଜଗାଙ୍ଗପୁର ପୋଲିସ କୁ ବଡ଼ ସଫଳତା।। ଚୋରିର ଦୁଇଘଣ୍ଟା ମଧ୍ୟରେ ୧୦ ଲକ୍ଷ ଟଙ୍କାର ଚୋରି ସିମେଣ୍ଟ ଜବତ ।। ଅଭିଯୁକ୍ତ ଗିରଫ ।

ଚୋରିର ଦୁଇଘଣ୍ଟା ମଧ୍ୟରେ ରାଜଗାଙ୍ଗପୁର ପୋଲିସ ଚୋରି ହୋଇଥିବା ଏକ ସିମେଣ୍ଟ ବୋଝେଇ ଟ୍ରକ କୁ ଉଦ୍ଧାର କରିବା ସହ ଅଭିଯୁକ୍ତ ଚୋରକୁ ଗିରଫ କରିଛନ୍ତି । ଶ୍ୟାମ କୁମାର ଦାସ ନାମକ ଜଣେ ଡ୍ରାଇଭର ଶନିବାର ଦିନ ଡାଲମିଆଁ ସିମେଣ୍ଟ ପ୍ଲାଣ୍ଟ ରୁ ଡ଼ମ୍ପର ରେ ୨୪୦ ବସ୍ତା ସିମେଣ୍ଟ ଲୋଡ଼ କରି ବଣେଇ ବାହାରିଥିଲେ ।

ପ୍ଲାଣ୍ଟ ଗେଟ ରୁ ବାହାରିବା ପରେ ଗାଡିକୁ ପାର୍କିଙ୍ଗ କରି ଏକ ହୋଟେଲ ରେ ଖାଉଥିବା ବେଳେ ଜଣେ ଦୃବୁତ୍ତ ଟ୍ରକ ସହ ସିମେଣ୍ଟ ନେଇ ପଳାଇଥିଲେ । ଖାଇ ସାରିଲା ପରେ ଗାଡି ନଥିବା ଦେଖି ଶ୍ୟାମକୁମାର ରାଜଗାଙ୍ଗପୁର ଥାନାରେ ଜଣାଇଥିଲେ । ରାଜଗାଙ୍ଗପୁର ପୋଲିସ ବିଭିନ୍ନ ସ୍ଥାନରେ ବ୍ଲକେଡ ଆରମ୍ଭ କରିଦେଇଥିଲେ । ରାଜଗାଙ୍ଗପୁର ପୋଲିସ ର ତତ୍ପରତା ଯୋଗୁଁ ମାତ୍ର ଦୁଇଘଣ୍ଟା ମଧ୍ୟରେ ୧୦ ଲକ୍ଷ ଟଙ୍କାର ଚୋରି ହୋଇଥିବା ସିମେଣ୍ଟ ସହ
ଗାଡି ଜବତ ହୋଇପାରିଥିଲା। ଅଭିଯୁକ୍ତଙ୍କୁ ମଧ୍ୟ ପୋଲିସ ଗିରଫ କରିବାରେ ସଫଳ ହୋଇଥିଲେ । ଆଜି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।