ରାଉରକେଲା ସହରର ମୁଖ୍ୟ ମାର୍ଗ ସ୍ଥିତ ଶ୍ୟାମ ବୃନ୍ଦାବନ ହୋଟେଲରେ ମଙ୍ଗଳବାର ସକାଳେ ନିଆଁ ଲାଗିଯିବାରୁ ଭୟର ବାତାବରଣ ସୃଷ୍ଟି ହୋଇଥିଲା।

ହୋଟେଲ ର ବେସମେଣ୍ଟ ରୁ ଧୂଆଁ ବାହାରୁଥିବା ଦେଖି ହୋଟେଲ ର ଜଣେ କର୍ମଚାରୀ ହୋଟେଲ ମାଲିକ ଦୀପକ ଗୁପ୍ତାଙ୍କୁ ସୂଚନା ଦେଇଥିଲେ। ସତର୍କତାମୂଳକ ପଦକ୍ଷେପ ସ୍ୱରୂପ ତୁରନ୍ତ ହୋଟେଲ ରେ ରହୁଥିବା ଅନ୍ତେବାସୀ ଙ୍କୁ ଖାଲି କରାଇ ଦିଆଯାଇଥିଲା। ଏହା ସହ କିଚେନ ରୁ ସମସ୍ତ ଗ୍ୟାସ ସିଲିଣ୍ଡର ହଟାଇ ଦିଆଯାଇଥିଲା। ହୋଟେଲ କର୍ତ୍ତୃପକ୍ଷ ଙ୍କ ଠାରୁ ସୂଚନା ପାଇ ଫାୟାର ବ୍ରିଗେଡ ଟିମ ତୁରନ୍ତ ଘଟଣା ସ୍ଥଳରେ ପହଞ୍ଚି ନିଆଁ କୁ ଆୟତ୍ତ କରିଥିଲେ। ଶର୍ଟ ସର୍କଟ ରୁ ନିଆଁ ଲାଗିଥିବା ପ୍ରାଥମିକ ତଦନ୍ତରୁ ଅନୁମାନ କରାଯାଉଛି। ତେବେ ହୋଟେଲ କର୍ତ୍ତୃପକ୍ଷଙ୍କ ଉପସ୍ଥିତ ବୁଦ୍ଧି ଏବଂ ଫାୟାର ଟିମ ର ତ୍ୱରିତ ପଦକ୍ଷେପ ଯୋଗୁଁ ଏକ ବଡ଼ ଧରଣର ଅଘଟଣ ଏଡାଇ ଦିଆଯାଇ ପାରିଲା।