ସୁନ୍ଦରଗଡ଼ ଜିଲ୍ଲାରେ ପୋୖର ପାଳିକା ନିର୍ବାଚନ ଲାଗି କଂଗ୍ରେସ ର ପ୍ରଚାର ଆରମ୍ଭ।। ବିରମିତ୍ରପୁର ରେ କର୍ମୀ ସମ୍ମିଳନୀରେ ଯୋଗଦେଲେ କଂଗ୍ରେସ ନେତା ଜର୍ଜ ତିର୍କୀ।

ଆସନ୍ତା ୨୪ ତାରିଖରେ ରାଜ୍ୟରେ ହେବ ପୋୖର ନିର୍ବାଚନ । ସୁନ୍ଦରଗଡ଼ ଜିଲ୍ଲାରେ ରାଜଗାଙ୍ଗପୁର , ବିରମିତ୍ରପୁର ଏବଂ ସୁନ୍ଦରଗଡ଼ ପୋୖର ପାଳିକା ରେ ନିର୍ବାଚନ ହେଉଛି

। ଅଦାଲତରେ ମାମଲା ଥିବାରୁ ରାଉରକେଲା ମହାନଗର ନିଗମ ଅଞ୍ଚଳରେ ନିର୍ବାଚନ ହେଉନାହିଁ। ଗତ ପଞ୍ଚାୟତ ନିର୍ବାଚନରେ ଜିଲ୍ଲାରେ ଉଭୟ କଂଗ୍ରେସ ଏବଂ ବିଜେପି ନୈରାଶ୍ୟ ଜନକ ପ୍ରଦର୍ଶନ କରିଥିବା ବେଳେ ରବିବାର ଦିନ ଉଭୟ ଦଳ ପୋୖର ନିର୍ବାଚନ ଲାଗି ପ୍ରଚାର ଆରମ୍ଭ କରିଛନ୍ତି। ବିଜେପି ପକ୍ଷରୁ ବିରମିତ୍ରପୁର ରେ ଦଳୀୟ କାର୍ଯ୍ୟାଳୟରେ କର୍ମୀ ସମ୍ମିଳନୀ ଅନୁଷ୍ଠିତ ହୋଇଥିବା ବେଳେ କଂଗ୍ରେସ ପକ୍ଷରୁ ବି ଆର କ୍ଲବ ରେ କର୍ମୀ ସମ୍ମିଳନୀ ଅନୁଷ୍ଠିତ ହୋଇଛି। ବିରମିତ୍ରପୁର ର ପୂର୍ବତନ ବିଧାୟକ ଜର୍ଜ ତିର୍କୀଙ୍କ ସମେତ ଦଳର ଚେୟାରମ୍ୟାନ ପ୍ରାର୍ଥୀ ଶଶୀ ସାଗର ଏବଂ ସମସ୍ତ ଦଳୀୟ କାଉନସିଲର ପ୍ରାର୍ଥୀ ଉପସ୍ଥିତ ଥିଲେ। ଗତ କାଉନସିଲ ବିଜେଡି ର ଥିବା ବେଳେ ସହରର କୌଣସି ଉନ୍ନୟନମୂଳକ କାମ ହୋଇନାହିଁ ବୋଲି କଂଗ୍ରେସ ଅଭିଯୋଗ କରିଛି। ଏହା ସହ ତାଙ୍କ ଦଳ କାଉନସିଲ ଗଠନ କଲେ ସହରର ଉନ୍ନତି ହେବ ବୋଲି କଂଗ୍ରେସ ନେତା ଜର୍ଜ ତିର୍କୀ ଏବଂ ଚେୟାରମ୍ୟାନ ପ୍ରାର୍ଥୀ ଶଶୀ ସାଗର କହିଛନ୍ତି

।