ପୋଲ ଭୁଶୁଡି ପଡିବାରୁ କିଛି ଲୋକ ଚାପି ହୋଇ ରହିଯାଇଥିବା ଆଶଙ୍କା।। ପୋଲିସ ଏବଂ ଓଡ୍ରାଫ ଟିମ ର ଉଦ୍ଧାର କାର୍ଯ୍ୟ ଜାରି।

ବୁଧବାର ସନ୍ଧ୍ୟାରେ କଟକ ଛତ୍ର ବଜାର ପୋଲ ର କିଛି ଅଂଶ ଭୁଶୁଡି ପଡିବାରୁ ପୋଲ ତଳେ କିଛି ଲୋକ ଚାପି ହୋଇ ରହି ଯାଇଥିବାର ଆଶଙ୍କା କରାଯାଉଛି। ପୋଲିସ ଏବଂ ଓଡ୍ରାଫ ଟିମ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଛତ୍ର ବଜ଼ାର ପରିବା ମାର୍କେଟ ନିକଟରେ ଥିବା ଏହି ପୋଲ ମାଲଗୋଦାମ କୁ ସଂଯୋଗ କରୁଛି। ପୋଲ ର କିଛି ଅଂଶରେ ଏବଂ ସଂଯୋଗକାରୀ ରାସ୍ତାର କାମ ଚାଲିଥିବା ବେଳେ ଭୁଶୁଡି ପଡିଥିବା ସୂଚନା ମିଳିଛି। ଘଟଣା ସ୍ଥଳରେ କଟକ ଡିସିପି ଙ୍କ ସହ ଅନ୍ୟ ବରିଷ୍ଠ ଅଧିକାରୀ ମାନେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି।