ସୁନ୍ଦରଗଡ଼ ହେମଗିର ବ୍ଲକ ଆଦର୍ଶ ବିଦ୍ୟାଳୟ ର ପ୍ରବେଶିକା ପରକ୍ଷା କେନ୍ଦ୍ରରେ ଉତ୍ତେଜନା।। ପୋଲିସ ଏବଂ ଶିକ୍ଷା ଅଧିକାରୀଙ୍କ ହସ୍ତକ୍ଷେପ ପରେ ମାମଲା ଶାନ୍ତ।

ସୁନ୍ଦରଗଡ଼ ଜିଲ୍ଲା ହେମଗିର ହାଇସ୍କୁଲର ଠାରେ ଶୁକ୍ରବାର ଦିନ ଆଦର୍ଶ ବିଦ୍ୟାଳୟ ପାଇଁ ପ୍ରବେଶିକା ପରୀକ୍ଷା ରେ ବିଭ୍ରାଟ ଯୋଗୁଁ ଉତ୍ତେଜନା ଦେଖା ଦେଇଥିଲା।

କେତେଜଣ ଶିକ୍ଷକ ପରୀକ୍ଷାର୍ଥୀ ଙ୍କୁ ପ୍ରଶ୍ନ ର ଉତ୍ତର କହୁଥିବା ବେଳେ ଅନ୍ୟ ପରୀକ୍ଷାର୍ଥୀ ମାନେ ବାହାରକୁ ଆସି ତାଙ୍କ ଅଭିଭାବକ ଙ୍କୁ ଜଣାଇଲା ପରେ ପରୀକ୍ଷା କେନ୍ଦ୍ରରେ ଉତ୍ତେଜନା ଦେଖାଦେଇଛି । ଆଜି ଓଡିଶା ଆଦର୍ଶ ବିଦ୍ୟାଳୟ ପାଇଁ ପ୍ରବେଶିକା ପରୀକ୍ଷା ଅନୁଷ୍ଠିତ ହୋଇଛି । ସୁନ୍ଦରଗଡ଼ ଜିଲ୍ଲା ହେମଗିରି ପରୀକ୍ଷା କେନ୍ଦ୍ରରେ କିଛି ଛାତ୍ରଛାତ୍ରୀ ମାନଙ୍କୁ ଶିକ୍ଷକ ମାନେ ପ୍ରଶ୍ନର ଉତ୍ତର ବତାଇ ଦେଉଥିବା ବେଳେ ଏହାକୁ ନେଇ ଅନେକ ଛାତ୍ରଛାତ୍ରୀ ବିରୋଧ କରିଥିଲେ । ଆହୁରି ମଧ୍ୟ ଛାତ୍ରଛାତ୍ରୀ ମାନଙ୍କୁ ଶିକ୍ଷକ ମାନେ ପରୀକ୍ଷାଖାତା ଚିରିଦେବାର ଧମକ ଦିଆଯାଇଥିଲେ ବୋଲି ଅଭିଯୋଗ ହୋଇଛି । ଏବାବଦରେ ଛାତ୍ରଛାତ୍ରୀ ମାନେ ପରିବାର ବର୍ଗଙ୍କୁ କହିବା ପରେ ଉତ୍ତେଜନା ପ୍ରକାଶ ପାଇଥିଲା । ଘଟଣା ସ୍ଥଳରେ ପୋଲିସ ପହଞ୍ଚି ବୁଝାସୁଝା କରୁଥିବା ବେଳେ ଲୋକମାନେ ଜିଲ୍ଲା ଶିକ୍ଷା ଅଧିକାରୀ ପହଞ୍ଚି ଏହାର ସମାଧାନ କରନ୍ତୁ ବୋଲି ଦାବି କରିଥିଲେ । ଶେଷରେ ସେଠାରେ ଜିଲ୍ଲା ଶିକ୍ଷା ଅଧିକାରୀ ପହଞ୍ଚି ଅଭିଭାବକ ମାନଙ୍କ ସହିତ ଆଲୋଚନା କରିଥିଲେ ।