ଓଡିଶା-ଝାରଖଣ୍ଡ ସୀମାନ୍ତରେ ୧୦ ଲକ୍ଷ ଟଙ୍କା ର ଚୋରା କାଠ ଜବତ।। ୫ ଗିରଫ।। ସୁନ୍ଦରଗଡ ଜିଲ୍ଲା ବିଶ୍ରା ଫରେଷ୍ଟ ରେଞ୍ଜ ପକ୍ଷରୁ ଚଢ଼ାଉ।

ସୁନ୍ଦରଗଡ଼ ଜିଲ୍ଲାର ବିସ୍ରା ଫରେଷ୍ଟ ରେଞ୍ଜର ଝାରବେଡା ଗ୍ରାମର ଜାରୱା ଟୋଲା ରେ ବନ ବିଭାଗ ପକ୍ଷରୁ ଚୋରା କାଠ ଚାଲାଣ ରୋକିବାକୁ ବ୍ୟାପକ ଚଢ଼ାଉ ଚାଲିଛି।

ଚଢ଼ାଉରେ ବହୁ ପରିମାଣର ମୂଲ୍ୟବାନ ଚୋରା କାଠ ଜବତ କରାଯାଇଛି। ବନ ବିଭାଗ ପକ୍ଷରୁ “ଅପରେସନ୍ ଗ୍ରିନ୍” ଜାରି ରହିଥିବା ବେଳେ ଏହି ଚଢ଼ାଉ ଜାରି ରହିଛି। ଏବାବଦରେ ଅଧିକ ତଥ୍ୟକୁ ଅପେକ୍ଷା କରାଯାଇଛି। ଏବେ ସୁଦ୍ଧା ମିଳିଥିବା ସୂଚନା ଅନୁଯାୟୀ ବନ ବିଭାଗ ପକ୍ଷରୁ ଚଢ଼ାଉରେ ବହୁ ପରିମାଣର ଚୋରା କାଠ ଜବତ କରାଯାଇ ୫ଜଣଙ୍କୁ ଗିରଫ କରାଯାଇଛି। ଶୁକ୍ରବାର ଦିନ ଭୋର ପ୍ରାୟ ଚାରିଟାରେ ବନଖଣ୍ଡ ଅଧିକାରୀ ଯଶୋବନ୍ତ ସେଠୀଙ୍କ ନେତୃତ୍ୱରେ ୬୭ ଜଣ ଅଧିକାରୀ ଓ କର୍ମଚାରୀ ଚଢ଼ାଉ କରି ଓଡିଶା-ଖରଖଣ୍ଡ ସୀମାନ୍ତରୁ ରାଞ୍ଚି ଚାଲାଣ ହେଉଥିବା ବେଳେ କାଠ ଜବତ କରିଛନ୍ତି। ଜବତ କାଠର ଆନୁମାନିକ ବଜାର ମୂଲ୍ୟ ପ୍ରାୟ ୧୦ ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡିଛି। ଜବତ କାଠ ମଧ୍ୟରେ ଶାଳ, ଶାଗୁଆନ, କୁରୁମ ଓ ଅନ୍ୟ ଜଙ୍ଗଲୀ କାଠ ରହିଛି। ଚୋରା କାରବାରରେ ଜଡ଼ିତ ଝାରବେଡା ଜରାଟୋଲୀର ପାଞ୍ଚ ଜଣକୁ ଗିରଫ କରାଯାଇଛି। ଏମାନଙ୍କ ନିକଟରୁ କାଠ କାଟିବାରେ ବ୍ୟବହୃତ ୟନ୍ତ୍ରପାତି ଜବତ ହୋଇଛି। କାଠ ମାଫିଆଙ୍କ ଜରିଆରେ ମାସ ମାସ ଧରି ସରଣ୍ଡା ଜଙ୍ଗଲରୁ ଗଛ ଗୁଡିକୁ କଟା ଯାଉଥିଲା। ପରେ ବଜାର ଚାହିଦା ମୁତାବକ ସେଗୁଡିକୁ ଵିଭିନ୍ନ ସାଇଜରେ କାଟି ଝାରଖଣ୍ଡ ର ରାଞ୍ଚି ଅଞ୍ଚଳ କୁ ଚାଲାଣ କରାଯାଉଥିଲା। ଏସବୁ କାଠରେ ବିଭିନ୍ନ ଆସବାବପତ୍ର ତିଆରି କରାଯାଇ ବାହାରେ ବିକ୍ରି କରାଯାଉଥିବା ବନ ଅଧିକାରୀ ପ୍ରାଥମିକ ତଦନ୍ତରୁ ଜାଣି ପାରିଛନ୍ତି। ଚୋରା କାଠ ରାକେଟ ର ଅନ୍ୟ ସଦସ୍ୟ ମାନଙ୍କୁ ଧରିବାକୁ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଛି।