୧୫ ଦିନ ହେଲା ବଣେଇ ଅଞ୍ଚଳରେ ଦନ୍ତାହାତୀ ର ଆତଙ୍କ ଜାରି।। ଘରଦ୍ୱାର ଭାଙ୍ଗିବା ସହ ବ୍ୟାପକ ଫସଲ ନଷ୍ଟ କଲା ଗୋଠଛଡା ଦନ୍ତା

0 407

ସୁନ୍ଦର ଗଡ଼ ଜିଲ୍ଲା ବଣାଇ ଅଞ୍ଚଳ ରେ ଗୋଠଛଡ଼ା ଦନ୍ତାହାତୀର ଉତ୍ପାତ ପୁଣି ଆରମ୍ଭ ହୋଇଯାଇଛି। ଦୀର୍ଘ ୧୫ ଦିନ ହେଲା ଏହି ଦନ୍ତା ଟି ବଣେଇ ଅଞ୍ଚଳ ରେ ବିଭିନ୍ନ ଗ୍ରାମରେ ପଶି ଘରଦ୍ୱାର ଭାଙ୍ଗିବା ସହ ଫସଲ ନଷ୍ଟ କରୁଥିଲା।

ବନ ବିଭାଗ ଏବଂ ସ୍ଥାନୀୟ ଲୋକମାନେ ହାତୀ ଘଉଡାଇବାରୁ ଦନ୍ତା ଟି ବାଙ୍କୀ ଫରେଷ୍ଟ ରେଞ୍ଜ କୁ ପଳାଇ ଆସିଥିଲା। ମାତ୍ର ଗୋଟିଏ ଦିନ ସେଠାରେ ରହିବା ପରେ ପୁଣି ଦନ୍ତା ଟି ବଣେଇ ଏରିଆ କୁ ଫେରି ଆସିଛି। ଫେରିବା ପରେ ଦନ୍ତା ଟି ଘର ଭାଙ୍ଗିବା ସହ ଫସଲ ମଧ୍ୟ ନଷ୍ଟ କରୁଛି। ରାତିରେ ଲୋକମାନେ ପିଲା ଛୁଆ ଧରି କେତେବେଳେ ରାସ୍ତା ଉପରେ ତ ଆଉ କେତେବେଳେ ଛାତ ଉପରେ । ବନ ବିଭାଗ ଏବଂ ଗ୍ରାମବାସୀ ନିଆଁ ଜାଳି ହାତୀ ଘଉଡ଼ାଇଥିଲେ ମଧ୍ୟ କୌଣସି ଫଳ ମିଳୁନାହିଁ । ଦୀର୍ଘ ୧୫ ଦିନ ହେଲା ଦନ୍ତାହାତୀର ଆତଙ୍କ ଏହି ଅଞ୍ଚଳରେ ଲାଗି ରହିଛି। ଏବେ ଦନ୍ତାହାତୀ ଟି ଗୋଗୁଆ ଅଞ୍ଚଳରେ ଘୁରି ବୁଲୁଛି ।ହାତୀ ଆତଙ୍କ ର ସ୍ଥାୟୀ ସମାଧାନ ଲାଗି ସ୍ଥାନୀୟ ଲୋକମାନେ ଦାବି କରିଛନ୍ତି।

Leave A Reply

Your email address will not be published.