ରାଜଗାଙ୍ଗପୁର ଅବକାରୀ ବିଭାଗର ବେଆଇନ ମଦ ପ୍ରସ୍ତୁତି ସ୍ଥାନରେ ଚଢ଼ାଉ।। ୧୧ ହଜାର ଲିଟର ମହୁଲି ପୋଚ ନଷ୍ଟ କରାଗଲା।

ରାଜଗାଙ୍ଗପୁର ଅବକାରୀ ବିଭାଗ ପକ୍ଷରୁ ମଙ୍ଗଳବାର ଦିନ ଖତକୁରବାହାଲ ଓ ଗୁଲେପଡାରେ ଚଢାଉ କରାଯାଇ ବହୁ ପରିମାଣର ମହୁଲି ପୋଚ ନଷ୍ଟ କରି ଦିଆଯିବା ସହ ମହୁଲି ମଦ ମଧ୍ୟ ଜବତ କରାଯାଇଛି ।

କେବଳ ଖତକୁରବାହାଲରୁ ୧୧ ହଜାର ଲିଟର ମହୁଲି ପୋଚ , ୨୫୦ ଲିଟର ମହୁଲି ମଦ ସହ ମଦ ତିଆରିରେ ବ୍ୟବହୃତ ବିଭିନ୍ନ ସାମଗ୍ରୀ ଜବତ କରାଯାଇଛି । ତେବେ ଏହି ଚଢ଼ାଉ ବେଳେ ମଦ ବ୍ୟବସାୟୀ କୌଶଳ କ୍ରମେ ସେଠାରୁ ଫେରାର ହୋଇଯାଇଥିବା ଜଣାପଡିଛି । ବେଆଇନ ମଦ କାରବାର ଉପରେ ନିୟମିତ ଭାବେ ଏପରି ଚଢ଼ାଉ ଜାରି ରହିବ ବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି।