ସାଂସଦଙ୍କ ମହିଳା ଯୁବନେତ୍ରୀଙ୍କୁ ଫୋନରେ ଅଶାଳୀନ ଭାଷା ପ୍ରୟୋଗ ଘଟଣା।। ସାଂସଦ ଜୁଏଲ ଓରାମଙ୍କ ନାମରେ ଝିରିପାଣି ଥାନାରେ ମାମଲା ଦାୟର।

ନିଜ ଦଳର ଯୁବ ମହିଳା ନେତ୍ରୀଙ୍କୁ ମୋବାଇଲ ଫୋନ ରେ ଅଶାଳୀନ ଭାଷା ପ୍ରୟୋଗ କରିବା ଅଭିଯୋଗ ଘଟଣାରେ ସୁନ୍ଦରଗଡ ସାଂସଦ ଜୁଏଲ ଓରାମଙ୍କ ଅଡ଼ୁଆ ବଢି ଚାଲିଛି।

ଜୁଏଲ ଅଶାଳୀନ ବ୍ୟବହାର କରିଥିବା ଅଭିଯୋଗ କାରିଣୀ ଗୌରୀ ମୁଣ୍ଡାରୀ ଙ୍କ ଏତେଲା କ୍ରମେ ରାଉରକେଲା ଝିରିପାଣି ଥାନାରେ ଜୁଏଲ ଙ୍କ ନାମରେ ମାମଲା ଦାୟର ହୋଇଛି। ଅନ୍ୟପକ୍ଷରେ ବିଜେପି କାର୍ଯ୍ୟାଳୟ ରେ ଭଙ୍ଗାରୁଜା କରିଥିବା ଅଭିଯୋଗରେ ୩ ନମ୍ବର ସେକ୍ଟର ଥାନାରେ ଉକ୍ତ ମହିଳା ନେତ୍ରୀ ଙ୍କ ନାମରେ ମାମଲା ଦାୟର ହୋଇଛି। ଭଙ୍ଗାରୁଜା କରିଥିବା ଯୁବତୀ ଗୌରୀଙ୍କ ନାମରେ ବିଜେପି ପକ୍ଷରୁ ଗତକାଲି ଥାନାରେ ଏତେଲା ଦିଆଯାଇଥିଲା। ସୂଚନାଯୋଗ୍ୟଯେ ଗତକାଲି ପଞ୍ଚାୟତ ନିର୍ବାଚନ ସଂକ୍ରାନ୍ତୀୟ କାମରେ ଗୌରୀ ମୁଣ୍ଡାରୀ ଜୁଏଲ ଓରାମଙ୍କୁ ଫୋନ କରିଥିଲେ। ସେହି ସମୟରେ କୌଣସି କାରଣରୁ ଜୁଏଲ ତାଙ୍କୁ ଅଶାଳୀନ ଭାଷା ପ୍ରୟୋଗ କରିଥିବା ଗୌରୀ ଅଭିଯୋଗ କରିଛନ୍ତି। ଏ ବାବଦରେ ସାଂସଦ ଜୁଏଲ ଓରାମଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ। ତେବେ ଉଭୟ ମାମଲାର ତଦନ୍ତ ପୋଲିସ ଜାରି ରଖିଛି।