ସ୍କାନଷ୍ଟିଲ ରେ ବିସ୍ପୋରଣ ଘଟଣା।। ଆଇଜିଏଚ ରେ ଚିକିତ୍ସାଧୀନ ଅବସ୍ଥାରେ କ୍ରେନ ଅପରେଟରଙ୍କ ମୃତ୍ୟୁ।। ଅନ୍ୟ ଦୁଇ କର୍ମଚାରୀଙ୍କ ଚିକିତ୍ସା ଚାଲିଛି।

ସ୍କାନ ଷ୍ଟିଲ ଫରନେସ ବିସ୍ପୋରଣରେ ପୋଡି ଯାଇ ଚିକିତ୍ସିତ ଥିବା କ୍ରେନ ଅପରେଟର ବାଳ ମୁକୁନ୍ଦ ସିଂ ଙ୍କ ଆଇ ଜି ଏଚ ରେ ମୃତ୍ୟୁ ହୋଇଯାଇଛି।

ଜାନୁଆରୀ ୨୧ ତାରିଖରେ ସୁନ୍ଦରଗଡ଼ ଜିଲ୍ଲା କୁତ୍ରା ଥାନା ଅନ୍ତର୍ଗତ ଗଙ୍ଗାଜଳ ସ୍ଥିତ ସ୍କାନ ଷ୍ଟିଲ ୟୁନିଟ-୨ର ଚତୁର୍ଥ ଫରନେସ ରେ ବିସ୍ପୋରଣ ଘଟି କ୍ରେନ ଅପରେଟର ଙ୍କ ସମେତ ୩ଜଣ ପୋଡି ଯାଇ ଆଇ ଜି ଏଚ ରେ ଚିକିତ୍ସିତ ହେଉଥିଲେ। ବାଳମୁକୁନ୍ଦ ଙ୍କ ପରିବାରବର୍ଗ ବିହାର ରୁ ଆସି ରାଉରକେଲା ରେ ପହଞ୍ଚିଛନ୍ତି। ଅନ୍ୟ ଦୁଇଜଣ କର୍ମଚାରୀ ଆଇ ଜି ଏଚ ରେ ଚିକିତ୍ସିତ ଅଛନ୍ତି। ଏହି ଦୁର୍ଘଟଣାର ତଦନ୍ତ ରାଉରକେଲା କାରଖାନା ଏବଂ ବାଷ୍ପୀତ ବିଭାଗ ତରଫରୁ କରାଯାଉଛି। କୁତ୍ରା ସ୍ଥିତ ଏହି କାରଖାନାରେ ବାରମ୍ବାର ଦୁର୍ଘଟଣା ହେଉଥିବା ଅଭିଯୋଗ ହେଉଛି। ଏଥିପ୍ରତି ବିଭାଗୀୟ ଅଧିକାରୀ ଦୃଷ୍ଟି ଦେବାକୁ ଦାବି ହେଉଛି।