ବ୍ରହ୍ମଣୀ ନଦୀପଠାରୁ ବାଲି ଉଠାଣ ରେ ଅନିୟମିତତା ଘଟଣା।। ନେସନଲ ଗ୍ରୀନ ଟ୍ରିବୁନାଲ ଙ୍କ ନିର୍ଦ୍ଧେଶ କ୍ରମେ ସୁନ୍ଦରଗଡ଼ ଜିଲ୍ଲାପାଳ ଙ୍କ ଉପସ୍ଥିତିରେ ତଦନ୍ତ ଆରମ୍ଭ।

ନଦୀପଠାରୁ ଲିଜ ଅନୁମତିରୁ ଅତ୍ୟଧିକ ବାଲି ଉଠାଣ , ବେଆଇନ ଭାବେ ଗ୍ରାମ୍ୟ ରାସ୍ତାରେ ବାଲି ପରିବହନ ମହଙ୍ଗା ପଡିଛି ଲିଜ ଧାରୀ ଏବଂ ବିଭାଗୀୟ ଅଧିକାରୀଙ୍କୁ। ନେସନଲ ଗ୍ରୀନ ଟ୍ରିବୁନାଲ ନିର୍ଦ୍ଧେଶ ରେ ଆଜି ଏହି ଅଭିଯୋଗର ତଦନ୍ତ ଆରମ୍ଭ ହୋଇଛି

। ସୁନ୍ଦର ଗଡ଼ ଜିଲ୍ଲା ଲହୁଣୀ ପଡା ତହସିଲ ଅଧୀନରେ ଥିବା କେନାପାଲି ବାଲି ଘାଟ ରେ
ବେଆଇନ ଭାବେ ବାଲି ଉଠା ଯାଉଥିବା ଅଭିଯୋଗ ହୋଇଥିଲା ନେସନଲ ଗ୍ରୀନ ଟ୍ରିବୁନାଲ ରେ । ଗ୍ରୀନ ଟ୍ରିବୁନାଲ ଏହାର ଏକ ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଇଥିଲେ । ଅତ୍ୟଧିକ ବାଲି
ଉଠାଣ , ବଡ଼ ଗାଡି ଦ୍ୱାରା ଓଭରଲୋଡ଼ କରି ବାଲି ଚାଲାଣ, ଅନୁମତି ଠାରୁ ଅଧିକ ଖୋଳି ବାଲି ନେବା , ଭାରିଯାନ ଦ୍ୱାରା ବାଲି ପରିବହନ କରିବା ଦ୍ୱାରା ଗ୍ରାମ୍ୟ ରାସ୍ତା ଖରାପ ହେବା , ପ୍ରଦୂଷଣ ହେବା , ନଦୀ ଜଳ ସ୍ରୋତ ବିଭାଜିତ ହେବା, ସୀମା ନିର୍ଦ୍ଧାରଣ ଖୁଣ୍ଟ ନ ପୋତିବା ଆଦି ଅଭିଯୋଗ କରିଥିଲେ ଗ୍ରାମବାସୀ। ଏହି ୧୨ ଟି ଅଭିଯୋଗ ଉପରେ ଏକ ଉଚ୍ଚସ୍ତରୀୟ ଟିମ ଶନିବାର ଦିନ ତଦନ୍ତ ଆରମ୍ଭ କରିଛନ୍ତି। ଏହି ତଦନ୍ତକାରୀ ଟିମରେ ସୁନ୍ଦରଗଡ଼ ଜିଲ୍ଲାପାଳ ନିଖିଲ ପୱନ କଲ୍ୟାଣ , ପ୍ରଦୂଷଣ ବିଭାଗ ଅଧିକାରୀ , ଖଣି ବିଭାଗ ଅଧିକାରୀ ,ତହସିଲଦାର,ପ୍ରମୁଖ ରହି ଥିବା ବେଳେ ଗ୍ରାମବାସୀ ମାନେ ମଧ୍ୟ ଉପସ୍ଥିତ ଥିଲେ।