ପଞ୍ଚାୟତ ନିର୍ବାଚନ :ଲହୁଣୀପଡା ବ୍ଲକରେ ବିଳମ୍ବରେ ନାମାଙ୍କନ ପତ୍ର ଦାଖଲକୁ ନେଇ ଉତ୍ତେଜନା।। ମାଜିଷ୍ଟ୍ରେଟ ଏବଂ ପୋଲିସ ମୁତୟନ।

ପଞ୍ଚାୟତ ନିର୍ବାଚନ ଲାଗି ପ୍ରାର୍ଥୀପତ୍ର ଦାଖଲର ଶେଷ ଦିନରେ ଆଜି ସୁନ୍ଦର ଗଡ଼ ଜିଲ୍ଲା ଲହୁଣୀ ପଡା ବ୍ଲକରେ ପ୍ରାର୍ଥୀପତ୍ର ଦାଖଲକୁ ନେଇ ଉତ୍ତେଜନା ଦେଖାଦେଇଥିଲା। ଦିନ ୩ଟା ସୁଦ୍ଧା ପ୍ରାର୍ଥୀପତ୍ର ଦାଖଲର ସମୟସୀମା ଥିବାବେଳେ ଜଣେ ପ୍ରାର୍ଥୀ ସମୟ ଗଡ଼ିଗଲା ପରେ ଆସି ପହଞ୍ଚିଥିଲେ।

ତାଳବାହାଲି ପଞ୍ଚାୟତ ର ସମିତି ସଭ୍ୟ ଲାଗି ପାର୍ଥି ପତ୍ର ଦାଖଲ କରିବାକୁ ଦିନ ୩ଟା ୧୫ ମିନିଟରେ ଏହି ପ୍ରାର୍ଥୀ ଅଡି ବସିବାରୁ ଉତ୍ତେଜନା ଦେଖାଯାଇଥିଲା। ବିଳମ୍ବରେ ଆସିଥିବାରୁ ଲହୁଣୀପଡା ବିଡ଼ିଓ ନାମାଙ୍କନ ପତ୍ର ଗ୍ରହଣ କରିବାକୁ ମନାକରି ଦେଇଥିଲେ। ଫଳରେ ଘଟଣା ସ୍ଥଳରେ ପାଟି ତୁଣ୍ଡ ହେବା ସହ ଉତ୍ତେଜନା ଦେଖା ଦେଇଥିଲା। ଆଇନ ଶୃଙ୍ଖଳା ସ୍ଥିତି କୁ ନଜରରେ ରଖି କାର୍ଯ୍ୟାଳୟ ପରିସରରେ ପୋଲିସ ଏବଂ ମଜିଷ୍ଟ୍ରେଟ ମୁତୟନ କରାଯାଇଥିଲା।