ରାଜଗାଙ୍ଗପୁର: ଆଇ ଟି କଲୋନୀ ଚୋରି ମାମଲାର ପର୍ଦ୍ଦାଫାଶ।। ଦୁଇ ପେଶାଦାର ଚୋର ଗିରଫ।। ଚୋରି ସାମଗ୍ରୀ ଉଦ୍ଧାର।

ରାଜଗାଙ୍ଗପୁର ପୋଲିସ ଦ୍ୱାରା ଦୁଇ ପେଶାଦାର ଚୋର ଗିରଫ, ଚୋରି ସାମଗ୍ରୀ ଉଦ୍ଧାର

ରାଜଗାଙ୍ଗପୁର : ୯/୧୧
(ସତ୍ୟାନ୍ୟୁଜ) ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ପୋଲିସ ସ୍ଥାନୀୟ ଆଇଟି କଲୋନୀ ରେ ହୋଇଥିବା ଏକ ଚୋରି ଘଟଣାର ତଦନ୍ତ କରି ଦୁଇ ଜଣ ପେଶାଦାର ଚୋରଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ ଚୋରି ସାମଗ୍ରୀ ଉଦ୍ଧାର କରିଛିନ୍ତି।

ସୂଚନା ଅନୁସାରେ, ଆଇଟି କଲୋନୀରେ ଥିବା ପ୍ରସନ୍ନ ସାମନ୍ତରାୟଙ୍କ ଘରେ କେହି ନଥିବା ବେଳେ ଚୋରମାନେ ଘର କବାଟ ଭାଙ୍ଗି ମୂଲ୍ୟବାନ ସାମଗ୍ରୀ ନେଇ ପଳାଇ ଯାଇଥିଲେ। ପରେ ଘର ଲୋକ ରାଜଗାଙ୍ଗପୁର ଥାନାରେ ଅଭିଯୋଗ କରିଥିଲେ। ପୋଲିସ ତଦନ୍ତ କରି ଦୁଇ ଅଭିଯୁକ୍ତଙ୍କୁ ଗିରଫ କରିଛି।

ଅଭିଯୁକ୍ତମାନଙ୍କ ନିକଟରୁ ୩୨ ଇଞ୍ଚ ର ଏଲଇଡି ଟିଭି, ଗୋଟିଏ ଇନଭର୍ଟର, ୧୨ ଭୋଲ୍ଟ ବ୍ୟାଟେରୀ, ଗୋଟିଏ ମୋବାଇଲ ଫୋନ ଏବଂ ଚୋରି କରିବାରେ ବ୍ୟବହୃତ ସ୍କୁଟି ଜବତ କରାଯାଇଛି।

ପୋଲିସ ତଥ୍ୟ ଅନୁସାରେ, ଗିରଫ ହୋଇଥିବା ଏହି ଦୁଇ ଜଣ ପୂର୍ବରୁ ମଧ୍ୟ ବିଭିନ୍ନ ଚୋରି ଘଟଣାରେ ଜଡିତ ଥିବା ସମ୍ଭାବନା ଥିବାରୁ ସେମାନଙ୍କ ବିରୋଧରେ ଅଧିକ ତଦନ୍ତ ଜାରି ରହିଛି।

ଗିରଫ ହୋଇଥିବା ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଛି।