ରାଉରକେଲା : ପ୍ରଦୂଷିତ ହେଉଛି ବ୍ରାହ୍ମଣୀ ଜଳ।। ବିଶ୍ୱ ପରିବେଶ ଦିବସରେ ‘ ସାଥୀ ‘ ଏବଂ ଇସ୍କଫ୍ ପକ୍ଷରୁ ନଦୀ ସଫେଇ ଅଭିଯାନ ଆରମ୍ଭ।
ବିଶ୍ୱ ପରିବେଶ ଦିବସରେ ବ୍ରାହ୍ମଣୀ ନଦୀ ସଫେଇ ଅଭିଯାନ
ନଦୀ ପ୍ରଦୂଷଣ ରୋକିବାକୁ ବିଭିନ୍ନ ସାମାଜିକ ସଂଗଠନର ପ୍ରୟାସ
ରାଉରକେଲା୫/୧(ସତ୍ୟାନ୍ୟୁଜ)
ବିଶ୍ୱ ପରିବେଶ ଦିବସ ଅବସରରେ ବ୍ରାହ୍ମଣୀ ନଦୀର ବଢୁଥିବା ପ୍ରଦୂଷଣକୁ ନେଇ ସଚେତନତା ସୃଷ୍ଟି କରିବା ପାଇଁ ‘ ସାଥୀ ‘ ଏବଂ ଇସ୍କଫ୍ ସଂସ୍ଥା ପକ୍ଷରୁ ଅଭିଯାନ ଆରମ୍ଭ ହୋଇଛି। ନଦୀ ସଫେଇ ପାଇଁ ବିଭିନ୍ନ ସାମାଜିକ ସଂଗଠନ ଓ ସ୍ୱେଚ୍ଛାସେବୀମାନେ ମିଳିତ ଭାବେ ସଫେଇ ଅଭିଯାନ କରିଥିଲେ।
ନଦୀ କୂଳରେ ପଡ଼ି ରହିଥିବା ପ୍ଲାଷ୍ଟିକ ବୋତଲ, ପଲିଥିନ, ପୂଜା ସାମଗ୍ରୀ ଏବଂ ଅନ୍ୟାନ୍ୟ ବର୍ଜ୍ୟବସ୍ତୁ ସଂଗ୍ରହ କରି ସଫା କରାଯାଇଥିଲା। ସଫେଇ ପୂର୍ବରୁ ଏକ ସଚେତନତା ଶୋଭାଯାତ୍ରା ଆଇଟିଆଇ ଛକ ରୁ ବାହାରି ନଦୀ କୂଳରେ ପହଞ୍ଚି ଥିଲା। ଅଭିଯାନରେ ଯୋଗ ଦେଇଥିବା ସଦସ୍ୟମାନେ କହିଛନ୍ତି ଯେ ବ୍ରାହ୍ମଣୀ ନଦୀ ରାଉରକେଲା ସମେତ ସମଗ୍ର ଅଞ୍ଚଳର ଜୀବନରେଖା ହୋଇଥିବା ବେଳେ ଦିନକୁ ଦିନ ବଢୁଥିବା ପ୍ରଦୂଷଣ ଏହାର ଅସ୍ତିତ୍ୱ ପ୍ରତି ବଡ଼ ବିପଦ ସୃଷ୍ଟି କରୁଛି।
ସାମାଜିକ ସଂଗଠନର କର୍ମକର୍ତ୍ତାମାନେ ଲୋକଙ୍କୁ ନଦୀରେ ପ୍ଲାଷ୍ଟିକ, ଆବର୍ଜନା ଏବଂ ପୂଜା ସାମଗ୍ରୀ ନ ଫିଙ୍ଗିବାକୁ ଅନୁରୋଧ କରିଥିଲେ। ସେମାନେ କହିଥିଲେ ଯେ କେବଳ ସରକାରୀ ପ୍ରୟାସ ନୁହେଁ, ବରଂ ସାଧାରଣ ଲୋକଙ୍କ ସକ୍ରିୟ ସହଯୋଗ ମଧ୍ୟ ନଦୀ ସୁରକ୍ଷା ପାଇଁ ଅତ୍ୟନ୍ତ ଜରୁରୀ।
ଏହି ଅବସରରେ ପରିବେଶ ସୁରକ୍ଷା, ଜଳ ସଂରକ୍ଷଣ ଏବଂ ନଦୀ ସ୍ୱଚ୍ଛତା ଉପରେ ସଚେତନତା ବାର୍ତ୍ତା ଦିଆଯାଇଥିଲା। ଆଗାମୀ ଦିନରେ ମଧ୍ୟ ଏଭଳି ନିୟମିତ ସଫେଇ ଅଭିଯାନ ଜାରି ରଖିବାକୁ ସଂଗଠନ ପକ୍ଷରୁ ସୂଚନା ଦିଆଯାଇଛି।