ମୟୁରଭଞ୍ଜ : ଗମ୍ଭାରୀଆ-ଜଗନ୍ନାଥପୁର ରାସ୍ତାର ଜର୍ଜର ଅବସ୍ଥା ପାଇଁ ତାତିଲେ ଲୋକେ।। ଉପଜିଲ୍ଲାପାଳ ଏବଂ ବନ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ।

ମୟୁରଭଞ୍ଜ : ୧୯/୨ (ସତ୍ୟାନ୍ୟୁଜ) (ଶ୍ୟାମଳେନ୍ଦୁ ପରିଡ଼ା) ମୟୂରଭଞ୍ଜ ଜିଲ୍ଲା ବାମନଘାଟୀ ଉପଖଣ୍ଡର ଗମ୍ଭାରିଆ-ଜଗନ୍ନାଥପୁର ରାସ୍ତାର ଦୁରାବସ୍ଥା ଯୋଗୁଁ ତାତିଲେ ଗ୍ରାମବାସୀ। ରାସ୍ତା ମରାମତି ଦାବିରେ ପ୍ରାୟ ୫ ଖଣ୍ଡ ଗ୍ରାମର ଲୋକମାନେ ବାମନଘାଟି ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ। ଏହା ସହ ରାଇରଙ୍ଗପୁର ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ମଧ୍ୟ ବିକ୍ଷୋଭ ପ୍ରଦର୍ଶନ କରିଥିଲେ। ଏହି ରାସ୍ତା ଜଙ୍ଗଲ ଜମି ଦେଇ ଯାଉଥିବାରୁ ରାସ୍ତା ମରାମତିରେ ବନବିଭାଗ ପକ୍ଷରୁ ବାଧା ଦିଆଯାଉଥିବା ଅଭିଯୋଗ ହେଉଛି। ଜଗନ୍ନାଥପୁର ଠାରୁ ପ୍ରାୟ ୩ କିମି ଦୂରରେ ଥିବା ଗମ୍ଭାରିଆ ରାସ୍ତାଟି ରିଜର୍ଭ ଫରେଷ୍ଟ ଦେଇ ଯାଇଛି। ରାସ୍ତାର ଅବସ୍ଥା ଖରାପ ଥିବାରୁ ବର୍ଷା ଦିନେ ଲୋକେ ନାହିଁ ନ ଥିବା ଅସୁବିଧା ଭୋଗ କରିଥାନ୍ତି। ଏହି ରାସ୍ତା ଉପରେ କୁମ୍ଭୀରଦା, ପାହାଡପୁର,ବର୍ଗିଡିହି, ଜଗନ୍ନାଥପୁର, ଭାଲୁଡିହି ,କଣ୍ଟାସୋଲା ଓ ଗମ୍ଭାରିଆ ଗ୍ରାମର ପ୍ରାୟ ୫ ହଜାର ରୁ ଅଧିକ ଲୋକ ନିର୍ଭରଶୀଳ | ଏହି ରାସ୍ତାରେ ରାଇସ୍ ମିଲ୍ ରହିଛି | ଭାରିଯାନ ବରାବର ଯାଉ ଥିବାରୁ ରାସ୍ତାରଡ଼ ବଡ ବଡ ଗର୍ତ୍ତ ସୃଷ୍ଟି ହୋଇଛି। ଫଳରେ ରାସ୍ତାରେ ଯିବାଆସିବା ସମ୍ଭବ ହେଉନାହିଁ। ଶୀଘ୍ର ରାସ୍ତା ମରାମତି ଲାଗି ପଦକ୍ଷେପ ନେବାକୁ ଗ୍ରାମବାସୀ ମାନେ ପ୍ରଶାସନ ନିକଟରେ ଦାବି କରିଛନ୍ତି।

ଜରୁରୀକାଳୀନ ୧୦୮ଗାଡି ,ଅଗ୍ନିଶମ ଗାଡି, ପୋଲିସଗାଡି ଓ ବୃଦ୍ଧବୃଦ୍ଧା ଭତ୍ତା ଆଣିବା ପାଇଁ ଗ୍ରାମପଞ୍ଚାୟତକୁ ଯିବାଆସିବା ରେ ଅସୁବିଧା ସୃଷ୍ଟି ହେଉଛି | ଗମ୍ଭାରିଆ ଠାରୁ ଜଗନ୍ନାଥପୁର ରାସ୍ତା ତିଆରି ପାଇଁ ବାରମ୍ବାର ଦୃଢଦାବୀ ହୋଇଆସୁଛି | ଜଙ୍ଗଲ ଇଲାକାରେ ଏହା ଥିବାରୁ ବନଖଣ୍ଡ ଅଧିକାରୀଙ୍କ ତରଫରୁ ବାଧା ସୃଷ୍ଟି କରାଯାଉଛି | ରାସ୍ତା ମରାମତିପାଇଁ ଗ୍ରାମବାସୀ ମାନେ ଉପଜିଲ୍ଲାପାଳ ସରୋଜ କୁମାର ଦାଶଙ୍କୁ ଦାବିପତ୍ର ପ୍ରଦାନ | ପରେ ଗ୍ରାମବାସୀ ମାନେ ରାଇରଙ୍ଗପୁର ବନଖଣ୍ଡ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରି ସେମାନଙ୍କ ଦାବୀ ରାଇରଙ୍ଗପୁର ବନଖଣ୍ଡ ଅଧିକାରୀଙ୍କୁ ଜଣାଇଥିଲେ।

ରାଇରଙ୍ଗପୁର ରୁ ଶ୍ୟାମଳେନ୍ଦୁ ପରିଡାଙ୍କ ରିପୋର୍ଟ