ମାଲକାନଗିରି : ବନ୍ୟା ପାଣି ଘେର ରୁ ୧୦ ଟି ପରିବାର କୁ ଉଦ୍ଧାର କଲେ ଓଡ଼୍ରାଫ୍ ଏବଂ ଫାୟାର ଟିମ୍।। ଉଦ୍ଧାର କାର୍ଯ୍ୟ ଜାରି।
ମାଲକାନଗିରି : ୨୫/୯
(ସତ୍ୟାନ୍ୟୁଜ) ମାଲକାନଗିରିରେ ବନ୍ୟା ପରିସ୍ଥିତି। କୁଡୁକୁ ଗ୍ରାମରେ ODRAF ଓ ଅଗ୍ନିଶମ ବାହିନୀର ଉଦ୍ଧାର କାର୍ଯ୍ୟ ଜାରି।
ମାଲକାନଗିରି ଜିଲ୍ଲାରେ ଲଗାଣ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଥିବା ବେଳେ, ମାଥିଲି ବ୍ଲକ୍ ଅନ୍ତର୍ଗତ କୁଡୁକୁ ଗ୍ରାମରେ ଉଦ୍ଧାର ଓ ସ୍ଥାନାନ୍ତରଣ କାର୍ଯ୍ୟ ଜାରି ରହିଛି।
ବିପଦପୂର୍ଣ୍ଣ ସ୍ଥିତିରେ ଥିବା ଲୋକଙ୍କୁ ସୁରକ୍ଷିତ ସ୍ଥାନକୁ ନେବା ପାଇଁ ODRAF ଓ ଅଗ୍ନିଶମ ବାହିନୀର ମିଳିତ ଟିମ୍ ମୁତୟନ ହୋଇଛି। ଉଦ୍ଧାରକାରୀ ଦଳ ପ୍ରତିକୂଳ ପରିସ୍ଥିତି ମଧ୍ୟରେ ଘରେ ଫସିଥିବା ଲୋକଙ୍କୁ ଚିହ୍ନଟ କରି ସୁରକ୍ଷିତ ଭାବେ ସ୍ଥାନାନ୍ତର କରୁଛନ୍ତି।
ଏପର୍ଯ୍ୟନ୍ତ ଜିଲ୍ଲାର ବିଭିନ୍ନ ପ୍ରଭାବିତ ଅଞ୍ଚଳରେ ODRAF ଓ ଅଗ୍ନିଶମ ବାହିନୀର ମିଳିତ ପ୍ରୟାସରେ ୧୦ଟି ପରିବାରକୁ ସୁରକ୍ଷିତ ଭାବେ ଉଦ୍ଧାର କରାଯାଇଛି।
ପରିସ୍ଥିତି ଉପରେ ପ୍ରଶାସନ ନଜର ରଖିଥିବା ବେଳେ, ଆବଶ୍ୟକତା ଅନୁସାରେ ଅନ୍ୟ ପ୍ରଭାବିତ ପରିବାରଙ୍କୁ ମଧ୍ୟ ସୁରକ୍ଷିତ ସ୍ଥାନକୁ ନେବା ପାଇଁ ଉଦ୍ଧାର ଟିମ୍ ପ୍ରସ୍ତୁତ ରହିଛି।