ସହରର ବିକାଶ ମୂଳକ କାର୍ଯ୍ୟ ତ୍ୱରାନ୍ୱିତ କରିବାକୁ ଆରଏମସି କମିଶନରଙ୍କୁ ଅମିତାଭଙ୍କ ସ୍ମାରକ ପତ୍ର।।

ରାଉରକେଲା ସହରର ବିଶିଷ୍ଟ ସମାଜସେବୀ ତଥା ରାଉରକେଲା ଜାଗରଣ ମଞ୍ଚର ସଭାପତି ଅମିତାଭ ସାମଲ ସହରର ଅତିରିକ୍ତ ଜିଲ୍ଲାପାଳ ତଥା ରାଉରକେଲା ମ୍ୟୁନିସିପାଲ କର୍ପୋରେସନର କମିଶନର ଶୁଭଙ୍କର ମହାପାତ୍ରଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ପ୍ରଦାନ କରିଛନ୍ତି। ଏହା ପୂର୍ବରୁ ରାଉରକେଲା ମ୍ୟୁନିସିପାଲ୍ କର୍ପୋରେସନର ଡେପୁଟି କମିଶନର ଶୁଧାଂଶୁ କୁମାର ଭୋଇ , ସେକ୍ସନ୍ ଇଞ୍ଜିନିୟର ମୁକେଶ କୁମାର ଭଗତଙ୍କ ସମେତ ଟିମ୍ ମିଳିତ ଭାବେ ବିଭିନ୍ନ ବିକାଶମୂଳକ କାର୍ଯ୍ୟ ପାଇଁ ସର୍ଭେ କରିଥିଲେ | ଏହି ସର୍ଭେରେ ରେଳବାଇର ଅଧିକାରୀ, ରାଉରକେଲା ମ୍ୟୁନିସିପାଲ କର୍ପୋରେସନ୍ ଅଧିକାରୀ ଉପସ୍ଥିତ ଥିଲେ | ବିକାଶ ମୂଳକ କାର୍ଯ୍ୟଗୁଡ଼ିକ ଅଧିକାରୀମାନଙ୍କ ଦ୍ୱାରା ମିଳିତ ଭାବେ ତଦାରଖ କରାଯାଇଥିଲା | ଏହି ଚିଠି ମାଧ୍ୟମରେ ସମାଜସେବୀ ଅମିତାଭ ସାମଲ ଅନୁରୋଧ କରିଛନ୍ତି ଯେ ବସନ୍ତୀ କଲୋନୀ (ମାଲଗୋଡାମ) ରୁ ରେଲୱେ କଲୋନୀ ଦେଇ ବିଏସଏନଏଲ ଅଫିସ ଛକ ପର୍ଯ୍ୟନ୍ତ ପୂର୍ତ୍ତ ବିଭାଗ ସଡକ ପ୍ରକଳ୍ପର କାର୍ଯ୍ୟ ଖୁବ ଶୀଘ୍ର ଆରମ୍ଭ କରିବା , ପୁରୁଣା ଟ୍ୟାକ୍ସି ଷ୍ଟାଣ୍ଡରୁ ରେଳ ଷ୍ଟେସନ ରୋଡ କାର୍ଯ୍ୟ, ରେଳପଥ ପ୍ରିପେଡ ଅଟୋ ଯୋଜନା , ଷ୍ଟେସନରେ ବିଦ୍ୟୁତ୍ ସ୍ଥାନାନ୍ତର କାର୍ଯ୍ୟ , (ଯାହା ଆରପିଏଫ୍ କାର୍ଯ୍ୟାଳୟ ନିକଟରେ), ବିଶ୍ରା ଛକରୁ ରୁ ରାଉରକେଲା ଷ୍ଟେସନ ରୋଡ୍ ପର୍ଯ୍ୟନ୍ତ କାର୍ଯ୍ୟ ଆଦି ଅନ୍ତର୍ଭୁକ୍ତ ଥିଲା। ଆରଏମସି ଏବଂ ରେଳ ପ୍ରଶାସନ ମଧ୍ୟରେ ଏକ ବୈଠକ ଆୟୋଜନ କରିବାକୁ ଅନୁରୋଧ କରାଯାଇଥିଲା | ହେବାକୁ ଥିବା ଏହି ସମସ୍ତ କାର୍ଯ୍ୟକୁ ଶୀଘ୍ର ଆରମ୍ଭ କରିବାକୁ ଶ୍ରୀ ସାମଲ ଏହି ପତ୍ରରେ ନିବେଦନ କରିଛନ୍ତି। ଆରଏମସି କମିଶନର ଙ୍କ ଅନୁପସ୍ଥତି ରେ ଏ ବାବଦରେ ଏକ ସ୍ମାରକପତ୍ର ଡେ଼ପୁଟି କମିଶନର ସୁଧାଂଶୁ କୁମାର ଭୋଇ ଙ୍କୁ ପ୍ରଦାନ କରାଯାଇଛି।