ପୌର ପରିଷଦ ନିର୍ବାଚନ : ବିରମିତ୍ରପୁର ରେ କଂଗ୍ରେସ ଏବଂ ବିଜେପି ପକ୍ଷରୁ ପ୍ରାର୍ଥୀପତ୍ର ଦାଖଲ।

ରାଜ୍ୟରେ ପୌର ନିର୍ବାଚନ ଏବଂ ମହନଗର ନିଗମ ନିର୍ବାଚନ ଲାଗି ଆସନ୍ତାକାଲି ପ୍ରାର୍ଥୀ ପତ୍ର ଦାଖଲର ଶେଷଦିନ । ସୁନ୍ଦରଗଡ଼ ଜିଲ୍ଲାରେ ରାଉରକେଲା ମହାନଗର ନିଗମ କୁ ବାଦ ଦେଲେ ଅନ୍ୟ ତିନୋଟି ପୌର ପରିଷଦ ସୁନ୍ଦରଗଡ଼, ବିରମିତ୍ରପୁର , ରାଜଗାଙ୍ଗପୁର ରେ ନିର୍ବାଚନ ହେଉଛି।

ପ୍ରାୟ ସମସ୍ତ ପ୍ରମୁଖ ରାଜନୈତିକ ଦଳ ସେମାନଙ୍କ ପ୍ରାର୍ଥୀ ଚୟନ ଶେଷ କରିଦେଇଛନ୍ତି। ବିରମିତ୍ରପୁର ପୌର ପରିଷଦ ଲାଗି ଗତକାଲି ବିଜେଡି ର ସନ୍ଦୀପ ମିଶ୍ର ପ୍ରାର୍ଥୀପତ୍ର ଦାଖଲ କରଥିବା ବେଳେ ଆଜି କଂଗ୍ରେସ ଏବଂ ବିଜେପି ଦଳ ପକ୍ଷରୁ ନଗରପାଳ ଏବଂ କାଉନସିଲର ପଦବୀ ଲାଗି ପ୍ରାର୍ଥୀ ପତ୍ର ଦାଖଲ ହୋଇଛି । କଂଗ୍ରେସ ରୁ ପୂର୍ବତନ ନଗରପାଳ ଶଶୀ ସାଗର ପ୍ରାର୍ଥୀପତ୍ର ଦାଖଲ କରିଥିବା ବେଳେ ବିଜେପି ରୁ ପୂର୍ବତନ କାଉନସିଲର ସୁନୀଲ ତିୱାରୀ ପ୍ରାର୍ଥୀ ପତ୍ର ଦାଖଲ କରିଛନ୍ତି। ପ୍ରାର୍ଥୀ ପତ୍ର ଦାଖଲ ସମୟରେ ବିରମିତ୍ରପୁର ବିଧାୟକ ତଥା ବିଜେପି ନେତା ଶକର ଓରାମ ଏବଂ କଂଗ୍ରେସ ନେତା ତଥା ପୂର୍ବତନ ବିଧାୟକ ଜର୍ଜ ତିର୍କୀ ଉପସ୍ଥିତ ଥିଲେ।