୭ ଲକ୍ଷ ଟଙ୍କାର ଜାଲ ନୋଟ ଜବତ।। ଦୁଇ ଜଣଙ୍କୁ ଗିରଫ କଲା ପୋଲିସ ।

ଭୁବନେଶ୍ୱର ପୋଲିସ ୭ ଲକ୍ଷ ଟଙ୍କାର ଜାଲ ନୋଟ ଜବତ କରିବା ସହ ୨ ଜଣଙ୍କୁ ଗିରଫ କରିଛି। ଏହି ଯୁବକ ଦ୍ୱୟ ୨୦୦ ଟଙ୍କିଆ ଜାଲ ନୋଟ ଛାପି ବଜ଼ାରରେ ଛାଡ଼ୁଥିଲେ।

ପୋଲିସ ଦୁଇ ଯୁବକ ସତ୍ୟନାରାୟଣ ପୁଷ୍ଟି ଏବଂ ଭୋଲା ପ୍ରଧାନଙ୍କୁ ଖାରବେଳ ନଗର ଅଞ୍ଚଳ ରୁ ଗିରଫ କରିଛି। ସତ୍ୟନାରାୟଣ ପ୍ରଧାନ ଏକ ପେଷାଦାର ଠକ। ୨୦୨୦ ମସିହାରେ ନିଜକୁ ଏକ ବଡ଼ ସରକାରୀ ଅଧିକାରୀ ର ପରିଚୟ ଦେଇ ବହୁ ଯୁବକଙ୍କୁ ଚାକିରୀ ଦେବା ନାଁ ରେ ଲକ୍ଷ ଲକ୍ଷ ଟଙ୍କା ଠକିଥିବା ଅଭିଯୋଗ ହୋଇଥିଲା। ପରେ ସତ୍ୟନାରାୟଣ ଭୋଳା ପ୍ରଧାନ ସଂସ୍ପର୍ଶରେ ଆସି ନକଲି ନୋଟ ଛାପାଇବାର କୌଶଳ ହାସଲ କରିଥିଲା। ୨୦୦ ଟଙ୍କିଆ ଜାଲ ନୋଟ ଛାପି ବଜ଼ାର କୁ ଛାଡୁଥିଲା। ସତ୍ୟନାରାୟଣ ର ଠକାମି ର ଶିକାର ହୋଇଥିବା ବିସ୍ମୟ କୁମାର ହୋତା ନାମକ ଜଣେ ବ୍ୟକ୍ତିଙ୍କ ଠାରୁ ସୂଚନା ପାଇବା ପରେ ପୋଲିସ ସତ୍ୟନାରାୟଣ ଏବଂ ଭୋଳା କୁ ଗିରଫ କରି ତଦନ୍ତ ଜାରି ରଖିଛନ୍ତି ।