ପୌର ନିର୍ବାଚନ ଲାଗି ଜିଲ୍ଲାରେ ନାମାଙ୍କନପତ୍ର ଦାଖଲ ଆଜିଠାରୁ।। ଭୋଟ ଗ୍ରହଣ ମାର୍ଚ୍ଚ ୨୪ ଏବଂ ଗଣତି ୨୬ ତାରିଖରେ।

ରାଜ୍ୟରେ ପୌର ନିର୍ବାଚନ ପାଇଁ ଆଜିଠାରୁ ମାର୍ଚ୍ଚ ୭ ତାରିଖ ପର୍ଯ୍ୟନ୍ତ ନାମାଙ୍କନପତ୍ର ଦାଖଲ କରାଯିବ। ଏହି କ୍ରମରେ ସୁନ୍ଦରଗଡ ଜିଲ୍ଲାରେ ବିରମିତ୍ରପୁର , ରାଜଗାଙ୍ଗପୁର , ସୁନ୍ଦରଗଡ଼ ପୌର ପରିଷଦ ଲାଗି ହେଉଥିବା ନିର୍ବଚନ ରେ ନାମାଙ୍କନ ପତ୍ର ଦାଖଲ ପ୍ରକ୍ରିୟା ଆଜିଠାରୁ ଆରମ୍ଭ ହୋଇଛି। ପୌରପାଳିକାର ଅଧ୍ୟକ୍ଷ ଏବଂ ଅଧ୍ୟକ୍ଷା ପଦ ଲାଗି ସିଧାସଳଖ ନିର୍ବାଚନ ହେଉଥିବା ବେଳେ କାଉନସିଲର ମାନେ ୱାର୍ଡ ରେ ନିର୍ବାଚନ ଲଢ଼ିବେ । ଆସନ୍ତା ମାର୍ଚ୍ଚ ୯ ତାରିଖରେ ପ୍ରାର୍ଥୀ ପତ୍ର ଯାଞ୍ଚ ହେବ । ମାର୍ଚ୍ଚ ୨୪ ତାରିଖରେ ନିର୍ବାଚନ ଲାଗି ଭୋଟ ଗ୍ରହଣ ହେବାକୁ ଥିବା ବେଳେ ମାର୍ଚ୍ଚ ୨୬ ତାରିଖରେ ଭୋଟ ଗଣତି ହେବ। ନିର୍ବାଚନ ଲାଗି ପ୍ରଶାସନିକ ସ୍ତରରେ ସମସ୍ତ ପ୍ରସ୍ତୁତି ସରିଥିବା ବେଳେ ରାଜନୈତିକ ଦଳ ମାନେ ମଧ୍ୟ ନିଜ ନିଜ ଦଳର ପ୍ରାର୍ଥୀ ଦେବାକୁ କସରତ ଆରମ୍ଭ କରିଦେଲେଣି।