ରାଜ୍ୟରେ କୋଭିଡ ସଂକ୍ରମଣ ସଂଖ୍ୟା ୫ ହଜାର ତଳେ।। ମୃତ୍ୟୁ ସଂଖ୍ୟା ୧୫।। ସୁନ୍ଦରଗଡ଼ ଜିଲ୍ଲାରେ ୧୫୯ କୋଭିଡ ସଂକ୍ରମିତ ଚିହ୍ନଟ।
ରାଜ୍ୟରେ କୋଭିଡ ସଂକ୍ରମଣ ଏବେ ତଳମୁହାଁ। ସଂକ୍ରମଣ ୫ ହଜାର ତଳେ ରହିଛି। ୨୮ ଜାନୁଆରୀ ରିପୋର୍ଟ ଅନୁଯାୟୀ ରାଜ୍ୟରେ କୋଭିଡ ଆକ୍ରାନ୍ତଙ୍କ ସଂଖ୍ୟା ୪୮୪୨ ଥିବା ବେଳେ ଖୋର୍ଦ୍ଧା ଜିଲ୍ଲାରେ ସଂକ୍ରମଣ ସଂଖ୍ୟା ୧୨୫୩ ରହି ସବୁଠାରୁ ଆଗରେ ରହିଛି। ତେବେ ରିପୋର୍ଟ ଅନୁଯାୟୀ ଅଡିଟ ପରେ କୋଭିଡ ମୃତ୍ୟୁ ସଂଖ୍ୟା ୧୫ ରହିଛି। ସୁନ୍ଦରଗଡ଼ ଜିଲ୍ଲାରେ ମଧ୍ୟ କୋଭିଡ ଆକ୍ରାନ୍ତଙ୍କ ସଂଖ୍ୟାରେ ହ୍ରାସ ଘଟିଛି। ଆଜି ୧୫୯ ଜଣ କୋଭିଡ ଆକ୍ରାନ୍ତ ଚିହ୍ନଟ ହୋଇଛନ୍ତି । କୋଭିଡ ସଂକ୍ରମଣ ସଂଖ୍ୟାରେ ହ୍ରାସ ଘଟିଥିଲେ ମଧ୍ୟ ଏବେବି ସତର୍କ ରହିବାକୁ ସ୍ୱାସ୍ଥ୍ୟ ବିଭାଗ ପକ୍ଷରୁ ପରାମର୍ଶ ଦିଆଯାଇଛି।