ରାଜ୍ୟରେ କୋଭିଡ ସଂକ୍ରମଣ
ତଳମୁହାଁ।। ତଥାପି ସତର୍କ ରହିବାକୁ ସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ରଙ୍କ ପରାମର୍ଶ।

ସୁନ୍ଦରଗଡ଼ ଜିଲ୍ଲା ସମେତ ସମଗ୍ର ରାଜ୍ୟରେ ଏବେ କୋଭିଡ ସଂକ୍ରମଣ ତଳମୁହାଁ ହେଉଛି। ଜାନୁଆରୀ ୨୬ ରିପୋର୍ଟ ମୁତାବକ ରାଜ୍ୟରେ କୋଭିଡ ଆକ୍ରାନ୍ତଙ୍କ ସଂଖ୍ୟା ୫ ହଜାର ୯୦୧ ଥିବା ବେଳେ ସୁନ୍ଦରଗଡ଼ ଜିଲ୍ଲାରେ ୫୪୫ ଜଣ କୋଭିଡ ଆକ୍ରାନ୍ତ ଚିହ୍ନଟ ହୋଇଛନ୍ତି।

ଲଗାତାର ଭାବେ ସଂକ୍ରମଣ କମିବା ଦର୍ଶାଉଛି ଯେ ରାଜ୍ୟ ଏବେ ପିକ ଅତିକ୍ରମ କରିସାରିଛି। ତେବେ ସଠିକ ଭାବେ କିଛି କହିବା ସମ୍ଭବ ହୋଇ ନଥିବାରୁ ଏବେବି ସତର୍କତା ଅବଲମ୍ବନ କରିବାକୁ ରାଜ୍ୟ ସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର କହିଛନ୍ତି। ଯଦିଓ ଓମିକ୍ରନ ପ୍ରଜାତି ଡେଲଟା ପ୍ରଜାତି ଠାରୁ କମ ମାରାତ୍ମକ ତଥାପି ଭାଇରସ ର ବାରମ୍ବାର ରୂପ ପରିବର୍ତ୍ତନ ସତର୍କ ରହିବା ନେଇ ସୁଚାଉଛି। ଏବେ ରାଜ୍ୟରେ ପଞ୍ଚାୟତ ନିର୍ବାଚନ ଲାଗି ପ୍ରଚାର ଆରମ୍ଭ ହୋଇଥିବାରୁ କୋଭିଡ ପ୍ରୋଟୋକଲ ମଧ୍ୟରେ ପ୍ରଚାର କରିବାକୁ ପରାମର୍ଶ ଦିଆଯାଇଛି।