ଦୁର୍ଘଟଣାରେ ଆହତଙ୍କୁ ତୁରନ୍ତ ହସ୍ପିଟାଲ ପଠାଇଥିବା ୧୭ ଜଣଙ୍କୁ ସମ୍ମାନିତ କଲେ ରାଉରକେଲା ଏସ ପି ।

ଦୁର୍ଘଟଣା ରେ ଆହତ ବ୍ୟକ୍ତିଙ୍କୁ ଚିକିତ୍ସା ସହାୟତା ଯୋଗାଇବା ଲାଗି ପ୍ରଥମ ଘଣ୍ଟା ବହୁ ମହତ୍ୱପୂର୍ଣ୍ଣ। ଯେତେ ଶୀଘ୍ର ଚିକିତ୍ସା ଦିଆଯିବ ଆରୋଗ୍ୟର ଆଶା ସେତେ ଉଜ୍ଜ୍ୱଳ।

ଏହାକୁ ଦୃଷ୍ଟିରେ ରଖି ରାଜ୍ୟ ପରିବହନ ବିଭାଗ ପକ୍ଷରୁ ଜାତୀୟ ଏବଂ ରାଜ୍ୟ ରାଜପଥ କଡରେ ବ୍ୟବସାୟ କରୁଥିବା ଲୋକ , ବିଭିନ୍ନ ବର୍ଗର ବ୍ୟକ୍ତି ବିଶେଷଙ୍କୁ ପ୍ରଶିକ୍ଷଣ ଦିଆଯାଇଥିଲା।

ଏବେ ଏହାର ସୁଫଳ ମଧ୍ୟ ଦେଖିବାକୁ ମିଳୁଛି। ଦୁର୍ଘଟଣାର ଶିକାର ହୋଇଥିବା ଲୋକଙ୍କୁ ଶୀଘ୍ର ଚିକିତ୍ସା ଲାଗି
ହସପିଟାଲ ପଠାଇବା କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ନେଇଥିବା ୧୭ ଜଣ ବ୍ୟକ୍ତି ବିଶେଷଙ୍କୁ ରାଉରକେଲା ଏସ ପି ମୁକେଶ କୁମାର ଭାମୁ ସମ୍ମାନିତ କରିଥିଲେ। ନଗଦ ୨ ହଜାର ଟଙ୍କା ପୁରସ୍କାର ସହ ପ୍ରସଂଶା ପତ୍ର ମଧ୍ୟ ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ ରାଉରକେଲା ପରିବହନ ବିଭାଗ ଅଧିକାରୀ ଏବଂ ଅନ୍ୟ ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ।