ରାଉରକେଲା ବିଜେପି କାର୍ଯ୍ୟାଳୟରେ ଯୁବତୀଙ୍କ ଭଙ୍ଗାରୁଜା।। ସାଂସଦ ଜୁଏଲ ଓରାମ ଫୋନ ରେ ଆପତ୍ତି ଜନକ ଭାଷା ପ୍ରୟୋଗ କରିଥିବା ଅଭିଯୋଗ।

ରାଉରକେଲା ୩ ନମ୍ବର ସେକ୍ଟର ସ୍ଥିତ ବିଜେପି କାର୍ଯ୍ୟାଳୟରେ ସୋମବାର ଦିନ ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା। ଦକର ଜଣେ ଯୁବ ମହିଳା ନେତ୍ରୀ ହାତରେ ଏକ ଲମ୍ବା ବାଡ଼ି ଧରି କାର୍ଯ୍ୟାଳୟ ରେ ଭଙ୍ଗାରୁଜା କରିଥିଲେ। କାର୍ଯ୍ୟାଳୟ ଝରକାର କାଚ ଆଦି ଭାଙ୍ଗି ଯାଇଥିବାର ଦେଖା ଯାଇଥିଲା।

ଯୁବତୀ ଜଣଙ୍କ ଭାରତୀୟ ଜନତା ପାର୍ଟି ର ନେତ୍ରୀ ଏବଂ ସୁନ୍ଦରଗଡ଼ ସାଂସଦ ଜୁଏଲ ଓରାମଙ୍କ ଶ୍ରମ ବିଭାଗ ପ୍ରତିନିଧି ବୋଲି ଜଣା ପଡ଼ିଛି। ଆଜି ସକାଳେ କୌଣସି କାରଣରୁ ଉକ୍ତ ମହିଳା ସଂସଦଙ୍କୁ କୌଣସି କାମରେ ଫୋନ କରିଥିଲେ। ତେବେ ସାଂସଦ ଜୁଏଲ ଓରାମ ତାଙ୍କୁ ଫୋନ ରେ ଆପତ୍ତି ଜନକ ଭାଷା ପ୍ରୟୋଗ କରିଥିବା ଅଭିଯୋଗ କରିଛନ୍ତି ଯୁବତୀ ଜଣକ। ଅନ୍ୟପକ୍ଷରେ କାର୍ଯ୍ୟାଳୟରେ ଭଙ୍ଗାରୁଜା ବାବଦରେ ୩ ନମ୍ବର ସେକ୍ଟର ଥାନାରେ ବିଜେପି ଅଧ୍ୟକ୍ଷାଙ୍କ ପକ୍ଷରୁ ଏକ ଏତେଲା ଦିଆଯାଇଥିବା ସୂଚନା ମିଳିଛି। ଯୁବତୀଙ୍କ ଅଭିଯୋଗ ବାବଦରେ ସାଂସଦ ଜୁଏଲ ଓରାମଙ୍କ କୌଣସି ପ୍ରତିକ୍ରିୟା ମିଳି ପାରିନାହିଁ।