ବଣାଇ : ବିଦେଶୀ ମଦ ଦୋକାନ ସ୍ଥାନାନ୍ତର ଦାବିରେ ବିକ୍ଷୋଭ।। ସ୍ଥାନାନ୍ତର ନହେଲେ ତୀବ୍ର ଆନ୍ଦୋଳନର ଚେତାବନୀ।

ବଣାଇ : ୨୦/୨ (ସତ୍ୟାନ୍ୟୁଜ) ମଦ ଦୋକାନ ସ୍ଥାନାନ୍ତର ଦାବିରେ ରାଜରାସ୍ତାକୁ ଓଲ୍ଲାହିଲେ ଶହଶହ ମହିଳା। ସୁନ୍ଦରଗଡ ଜିଲ୍ଲା ଗୁରୁଣ୍ଡିଆ ବ୍ଲକରେ ଥିବା ଏହି ମଦ ଦୋକାନ ଥାନା ଓ ବିଦ୍ୟାଳୟ ଠାରୁ ମାତ୍ର ୫୦ ମିଟର ଦୂରରେ ଅଛି। ଅଙ୍ଗନବାଡ଼ି କେନ୍ଦ୍ର ମଧ୍ୟ ପାଖରେ ରହିଛି। ଏହି ବିଦେଶୀ ମଦ ଦୋକାନକୁ ସ୍ଥାନାନ୍ତର ଦାବୀ କରି ସ୍ଥାନୀୟ ଜନ ସାଧାରଣ ଆନ୍ଦୋଳନ କରିବା ସହ ଗୁରୁଣ୍ଡିଆ ତହସିଲଦାର ଙ୍କୁ ଦାବୀ ପତ୍ର ପ୍ରଦାନ କରିଛନ୍ତି। ବିଦେଶୀ ମଦ ଦୋକାନଟି ଜନ ବସତି ମଧ୍ୟରେ ଥିବା ବେଳେ ପ୍ରାୟ ଅନେକ ସମୟରେ ମଦୁଆଙ୍କ ଉତ୍ପାତ ଯୋଗୁଁ ଲୋକେ ଅତିଷ୍ଠ ହୋଇ ପଡିଛନ୍ତି। ପିଲା ମାନଙ୍କ ପାଠ ପଢା ରେ ଅସୁବିଧା ସୃଷ୍ଟି ହେବା ସହ ସେହି ରାସ୍ତା ଦେଇ ମହିଳା ମାନେ ଯିବା ଆସିବା କରିବା ପାଇଁ ଅସୁରକ୍ଷିତ ମଣୁଛନ୍ତି। ଏହା ଛଡ଼ା ମଦ୍ୟପ ମାନେ କାଚ ବୋତଲ ଭାଙ୍ଗି ରାସ୍ତା ଘାଟ ଓ ଚାଷ ଜମିରେ ପକାଉ ଥିବାରୁ ଅସୁବିଧା ସୃଷ୍ଟି ହେଉଛି।
ଏହି ପରିପ୍ରେକ୍ଷୀରେ ବିଦେଶୀ ମଦ ଦୋକାନ କୁ ସ୍ଥାନାନ୍ତର କରିବା ଦାବୀ ରେ ଗୁରୁଣ୍ଡିଆ ସରପଞ୍ଚ ପ୍ରଭାକର ମୁଣ୍ଡାଙ୍କ ନେତୃତ୍ଵ ରେ ଶହଶହ ମହିଳାଙ୍କ ସମେତ ଜନ ସାଧାରଣ ଏକାଠି ହୋଇ ବିକ୍ଷୋଭ ପ୍ରଦର୍ଶନ କରିଥିଲେ। ପରେ ଗୁରୁଣ୍ଡିଆ ତହସିଲଦାର ଙ୍କୁ ଦାବୀ ପତ୍ର ପ୍ରଦାନ କରା ଯାଇଥିଲା।

ପୂର୍ବରୁ ଜିଲ୍ଲାପାଳଙ୍କ ଜନ ଶୁଣାଣି କାର୍ଯ୍ୟକ୍ରମରେ ମଧ୍ୟ ଏହି ବିଦେଶୀ ମଦ ଦୋକାନ ସ୍ଥାନାନ୍ତର କରିବା ପାଇଁ ଦାବୀ କରିଥିଲେ। ବିଦେଶୀ ମଦ ଦୋକାନ କୁ ସ୍ଥାନାନ୍ତର କରା ନ ଗଲେ ଆଗାମୀ ଦିନରେ ବ୍ୟାପକ ଜନ ଆନ୍ଦୋଳନ ହେବ ବୋଲି ନିର୍ବାଚିତ ପ୍ରତିନିଧି ମାନେ ଚେତାବନୀ ଦେଇଛନ୍ତି।

ଆଜିର ଏହି ବିକ୍ଷୋଭ ରେ ସରପଞ୍ଚ, ସମିତି ସଭ୍ୟ ଙ୍କ ସହ ନାଏବ ସରପଞ୍ଚ ଝୁନୁଟୁ ଓରାମ ୱାର୍ଡମେମ୍ବର ରାଜ କୁମାରୀ ଗୋଚ୍ଛାୟତ, ଶିବରାତ୍ରି କିସାନ, ଲକ୍ଷ୍ମଣ ବୁଡ଼ା, କୁଆଁରୀ ଓରାମ, ସୁଶିଲ ମୁଣ୍ଡା, ରଞ୍ଜନ କିସାନ, ରିନା ଓରାମ, ଭୀମ ଓରାମ, ଦୀପକ ଲୁଗୁନ, ଲୁଦବିନା ସୋରେନ, ସୁଶିଲ କିଣ୍ଡୋ, ଦୀପକ ଗୋଚ୍ଛାୟତ, ତଥା ସମାଜସେବୀ ଅଭିରାମ ମହାକୁଳ ଜୟରାମ ତିର୍କୀ, ବିଜେପି ଜିଲ୍ଲା ଯୁବମୋର୍ଚ୍ଚା ସଭାପତି ଶାନ୍ତନୁ କୁମାର ଦାଶ, ଗୁରୁଣ୍ଡିଆ ମଣ୍ଡଳ ସଭାପତି ସୁଭ୍ରୋଜିତ ମୁଣ୍ଡା, ଯୁବମୋର୍ଚ୍ଚା ର ଜିଲ୍ଲା କାର୍ଯ୍ୟକର୍ତ୍ତା ଦୀପକ କୁମାର ବେହେରା, ଶାନ୍ତନୁ ମହାକୁଳ ସମେତ ଶତାଧିକ ଜନସାଧାରଣ ଯୋଗ ଦେଇଥିଲେ।