ସୁନ୍ଦରଗଡ଼ : ରାସ୍ତା ନଥିବାରୁ ଗାଁ ଭିତରକୁ ପଶି ପାରିଲାନି ଆମ୍ବୁଲାନ୍ସ।। ଶେଷରେ ଖଟିଆରେ ବୁହା ହେଲେ ବୁଢ଼ୀ ମା।

ସୁନ୍ଦରଗଡ଼ : ୨୮/୧୧
(ସତ୍ୟାନ୍ୟୁଜ) ଆମ୍ବୁଲାନ୍ସ ଅଛି , ଡାକ୍ତରଖାନାରେ ଚିକିତ୍ସା ବ୍ୟବସ୍ଥା ରହିଛି। ହେଲେ ଗାଁ କୁ ଭଲ ରାସ୍ତା ନଥିବାରୁ ପହଞ୍ଚି ପାରିଲାନି ଆମ୍ବୁଲାନ୍ସ। ଶେଷ ରେ ଖଟିଆ ରେ ଗାଁ ଲୋକ ବୁଢ଼ୀ ମା କୁ ବୋହି ନେଲେ ଆମ୍ବୁଲାନ୍ସ ପାଖକୁ । ସୁନ୍ଦରଗଡ଼ ଟାଙ୍ଗରପାଲି ବ୍ଲକ ସାନପତ୍ରାପାଲି ପଞ୍ଚାୟତ ଖୁଟେନପାନୀ ଗାଁ ରୁ ଆସିଛି ଏହି ଅଭାବନୀୟ ଚିତ୍ର । ଦୀର୍ଘ ୨ କିଲୋମିଟର ଗୁରୁତର ଆହତ ବୁଢ଼ୀ ମା ଫୁଲମଣି ମାଝି କୁ ଖଟିଆ ରେ ଆମ୍ବୁଲାନ୍ସ ପର୍ଯ୍ୟନ୍ତ ବୋହି ନେଇଛନ୍ତି ପରିବାର ଲୋକେ ଏବଂ ପାଖ ପଡୋଶୀ । ବୁଧବାର ବିଳମ୍ବିତ ରାତି ରେ ଘର ଭିତରେ ପଡି ଗୁରୁତର ହୋଇଯାଇଥିଲେ ବୁଢ଼ୀ ମା। ସକାଳୁ ଆମ୍ବୁଲାନ୍ସ ସିନା ଆସିଲା ହେଲେ ରାସ୍ତା ନଥିବାରୁ ଗାଁ ମୁଣ୍ଡରେ ଅଟକି ରହି ଯାଇଥିଲା । ଶେଷ ରେ ଗାଁ ଲୋକ ଖଟିଆ ରେ ଟେକି ନେଇ ଆମ୍ବୁଲାନ୍ସ ପାଖରେ ପହଞ୍ଚାଇ ଥିଲେ । ସୁନ୍ଦରଗଡ଼ ଜିଲ୍ଲାର ଉନ୍ନୟନ ପାଇଁ ରହିଛି ଜିଲ୍ଲା ଖଣିଜ ପାଣ୍ଠି। ହେଲେ ଆଜି ମଧ୍ୟ ଜିଲ୍ଲାର ସୁନ୍ଦରଗଡ଼ , କୋଇଡା , ବଣାଇ ଉପଖଣ୍ଡରେ ଦେଖିବାକୁ ମିଳୁଛି ଏପ୍ରକାର ଚିତ୍ର।